​ ກຸຫຼາບ ມີດີຫຼາຍກວ່າຄວາມງາມ

ດອກກຸຫຼາບ, ດອກໄມ້ສື່ຮັກແທນໃຈ, ດ້ວຍຄຸນລັກສະນະ ແລະ ສີສັນທີ່ຫຼາກຫຼາຍ, ລວມເຖິງກິ່ນຫອມອ່ອນໆ, ຊຶ່ງນອກຈາກຄວມງາມແລ້ວ, ດອກກຸຫຼາບຍັງມີຄຸນປະໂຫຍດຕໍ່ສຸຂະພາບ. ດັ່ງນັ້ນຈິ່ງເວົ້າໄດ້ວ່າ ດອກກຸຫຼາບ ຄືຣາຊິນີແຫ່ງດອກໄມ້.

ຊ່ວຍຄາຍຄຽດ: ກິ່ນຫອມອ່ອນໆຂອງດອກກຸຫຼາບສາມາດບັນເທົາ ແລະ ລົບລ້າງຄວາມວິຕົກກັງວົນ, ຫຼຸດຜ່ອນຄວາມຄຽດ ແລະ ຄວາມເສົ້າໝອງ, ຊ່ວຍບັນເທົາອາການວິນຫົວ, ເຈັບຫົວແລະ ຊ່ວຍໃຫ້ຜ່ອນຄາຍ. ພຽງແຕ່ນຳເອົາກີບກຸຫຼາບມາໂຮຍລົງໃສ່ອ່າງນ້ຳສຳລັບອາບ, ກໍຈະຮູ້ສຶກສະບາຍໃຈ.

ຊ່ວຍຄວບຄຸມຮໍຣ໌ໂມນຂອງແມ່ຍິງ: ກິ່ນກຸຫຼາບມີສ່ວນກ່ຽວຂ້ອງກັບລະບົບສືບພັນໃນເພດຍິງ, ຈຶ່ງສາມາດຊ່ວຍຄວບຄຸມລະດັບຮໍຣ໌ໂມນແມ່ຍິງໃຫ້ຢູ່ໃນສະພາວະສົມດຸນໄດ້.  ດັ່ງນັ້ນ, ໃນການຜະ ລິດເຄື່ອງສຳອາງຈິ່ງມັກນຳນ້ຳມັນສະກັດຈາກດອກກຸຫຼາບເປັນສ່ວນປະກອບໃນຄຣີມບຳລຸງຜິວ, ຄຣີມອາບນໍ້າ ແລະ ອື່ນໆ.

ຊ່ວຍກະຕຸ້ນພູມຄຸ້ມກັນຂອງຮ່າງກາຍ: ຊາດອກກຸຫຼາບອຸດົມໄປດ້ວຍວິຕາມິນຊີ ແລະສານຕ້ານອະນຸມູນອິດສະຫຼະໃນກຸ່ມໄຊໂຄ, ຊຶ່ງໄດ້ມາຈາກສີແດງຈາກກີບກຸຫຼາບນັ້ນເອງ. ດັ່ງນັ້ນ, ການດື່ມຊາດອກກຸຫຼາບອຸ່ນໆຈຶ່ງເຮັດໃຫ້ຮ່າງກາຍໄດ້ຮັບຜົນປະໂຫຍດຈາກສານເຫຼົ່ານີ້, ທີ່ຈະເຂົ້າໄປຊ່ວຍກະຕຸ້ນພູມຄຸ້ມກັນ, ຍິ່ງຖ້າຜະສົມນໍ້າເຜິ້ງຊຶ່ງມີສັບພະຄຸນແກ້ອັກເສບ ຍິ່ງເຮັດໃຫ້ຊາກຸຫຼາບນໍ້າເຜີ້ງ ມີປະໂຫຍດຕໍ່ສຸຂະພາບແບບທະວີຄູນ.

ເປັນຢາລະບາຍ: ສານສຳຄັນທີ່ໄດ້ມາຈາກນໍ້າມັນຫອມລະເຫີຍຂອງດອກກຸຫຼາບ ມີລິດສະໜັບສະໜູນກົນໄກຫຼັກຂອງລະບົບຂັບຖ່າຍ, ທີ່ຈະເພີ່ມສັດສ່ວນຂອງນ້ຳໃນລຳໄສ້. ສົ່ງຜົນໃຫ້ອຸດຈະລະແຫຼວ ແລະ ກະຕຸ້ນໃຫ້ເກີດອາການປັ້ນທ້ອງ, ປວດຖ່າຍ, ເມື່ອດື່ມຊາກຸຫຼາບປະສົມນົມອຸ່ນກໍຈະຂັບຖ່າຍໄດ້ງ່າຍ.

ບັນເທົາອາການປວດ: ຜົນທົດລອງດ້ານການແພດພົບວ່າ 90% ຂອງຜູ້ ປ່ວຍທີ່ໄດ້ຮັບສານສະກັດຈາກດອກກຸຫຼາບ ຈະຊ່ວຍໃຫ້ອາການປວດກ້າມຊີ້ນ ແລະ ເສັ້ນເອັນຜ່ອນຄາຍລົງ, ເມື່ອນຳ ໃຊ້ເປືອກຂອງແກ່ນກຸຫຼາບສາຍພັນ Rosa canina L(rose-hip powder; RHP) ທີ່ນຳມາສະກັດເປັນຢາ RHP ກໍຈະຊ່ວຍໃຫ້ຜູ້ປ່ວຍຫຼຸດຜ່ອນອາການເຈັບປວດລົງໄດ້.

ຊາກຸຫຼາບຊ່ວຍຫຼຸດນໍ້າໜັກ: ໃບກຸຫຼາບ ແລະ ຍອດໃບຊາທີ່ຜະສົມກັນເປັນຊາກຸຫຼາບ, ຊ່ວຍບຳບັດອາການຕິດຂັດຂອງລະບົບຕ່າງໆໃນຮ່າງກາຍ, ເນື່ອງຈາກໃນຊາກຸຫຼາບອຸດົມໄປດ້ວຍວິຕາມິນ A , B3 , C ແລະ E. ທັງມີສ່ວນກ່ຽວຂ້ອງກັບການດູແລຜິວພັນ ແລະ ມີສານທີ່ຊ່ວຍກຳຈັດໄຂມັນໄດ້ອີກດ້ວຍ.

แชร์