ໂຮງຮຽນ ນໍ້າທາ ວິດສ໌ດອມ ເນັ້ນຄຸນນະພາບການຮຽນການສອນທຽບເທົ່າລະດັບສາກົນ

ໂຮງຮຽນ ນໍ້າທາ ວິດສ໌ດອມ ລ້ຽງເດັກ-ອະນຸບານ ແລະປະຖົມໜຶ່ງໂຮງຮຽນເອກະຊົນພາກເໜືອນທີ່ເພິ່ນທຸ້ມເທ່ເອົາໃຈໃສ່ທຸກດ້ານຂອງການສຶກສາ ແລະເປົ້າໝາຍເລັ່ງເຫັນຄວາມສຳຄັນໃນການພັດທະນານັກຮຽນມີຄວາມຮູ້ຄວາມສາມາດທ່ຽບເທົ່າກັບນັກຮຽນເມືອງໃຫຍ່ ແລະສາກົນ.

ເປີດບໍລິການ ໃນວັນທີ 28 ກັນຍາ 2020 ແຮງບັນດານໃຈ ເປີດໂຮງຮຽນແຂວງຫລວງນໍ້າທາ ເປັນ 1 ໃນແຂວງພາກເໜືອທີ່ມີການພັດທະນາເສດຖະກິດ-ສັງຄົມໄດ້ໄວ ແລະກໍາລັງພັດທະນາ ເພື່ອໃຫ້ເຊື່ອມໂຍງກັບປະຊາຄົມໂລກ. ແຕ່ເຫັນວ່າການສຶກສາຍັງອາໄສແຕ່ລັດເປັນຕົວຂັບເຄື່ອນດ້ານຄວາມຮຸ້. ສະນັ້ນ,ຈຶ່ງເຫັນຄວາມສໍາຄັນ ແລະຢາກເປັນສ່ວນ 1 ໃນການພັດທະນາວຽກງານການສຶກສາໂດຍສະເພາະຢູ່ຂັ້ນທ້ອງຖິ່ນແຂວງຫລວງນໍ້າທາໃຫ້ມີໂຮງຮຽນທີ່ມີຄຸນນະພາບຄືກັບໂຮງຮຽນໃນເຂດເມືອງໃຫ່ຍ.

ແມ່ນຢາກສ້າງຝັນຂອງຕົນໃຫ້ເປັນຈິງ. ຊື່ງຄວາມຝັນຂອງຕົນເອງແມ່ນຢາກສ້າງໂຮງຮຽນໃຫ້ຄືບ້ານຫລັງທີ່ສອງ, ເປັນບ່ອນແລກປ່ຽນຄວາມຮູ້ ແລະແບ່ງປັນທຸກສຸກ ພ້ອມທັງພັດທະນາຄວາມຮູ້ສີມືແຮງງານ ແລະແນວຄວາມຄິດຂັ້ນພຶ້ນຖານໃຫ່ແກ່ເດັກ, ນັກຮຽນໃນລະດັບ 1 ແລ້ວ. ຊື່ງບໍ່ຈໍາເປັນຕ້ອງເຂົ້າມະກາໄລຈຶ່ງມີຄວາມຮຸ້ຄືລະບົບຜ່ານມາ. ອັນທີ3: ຕ້ອງການຊ່ວຍເດັກຜູ້ທຸກຍາກ ແຕ່ມີຄວາມກະຕັນຍູ ຫລື ຮຽນເກັ່ງເພື່ອເຂົ້າເຖິງການສຶກສາທີ່ມີຄຸນນະພາບໄດ້ຮຽນຟລີ. ເພາະບ້ານເຮົາຍັງມີຄົນທຸກຍາກຫລາຍ.

ປະຈຸບັນມີຄູ ແລະພະນັກງານທັງໝົດ 22 ຄົນ, ເດັກນ້ອຍນັກຮຽນທັງໝົດ 240 ຄົນ. ມີຫ້ອງລ້ຽງເດັກ, ຫ້ອງອະນຸບານ ແລະປະຖົມ ແລະແຜນຕໍ່ໜ້າແມ່ນຈະສ້າງຮອດຊັ້ນມັດທະຍົມຕາມລໍາດັບ ແລະສິ່ງອໍານວຍຄວາມສະດວກຕາມການຂະຫຍາຍຕົວຂອງໂຮງຮຽນເທື່ອລະກ້າວ.

ຊຶ່ງຈຸດເດັ່ນຂອງໂຮງຮຽນດ້ານສະຖານທີ່: ຕັ້ງຢູ່ຕົວເມືອງເທດສະບານແຂວງ, ມີທາງເຂົ້າອອກສອງດ້ານ, ມີເນື້ອທີ່ກ້ວາງ, ມີເດີນຈອດລົດ, ເດີນສ້າງກິດຈະກໍາ,ພັກຜ່ອນທີ່ກວ້າງຂວາງ,ເຮັດໃຫ້ເດັກສາມາດສູບອາກາດສົດ ແລະຮັບແສງແດດ.ດ້ານອາຄານ: ມີຫ້ອງຮຽນກ້ວາງຂວາງຖືກຕ້ອງຕາມລະບຽບ,ສະອາດ,ມີຫ້ອງນອນໃນ, ຫ້ອງຮຽນ, ຫ້ອງອາຫານ,ເດີນຫລິ້ນໃນຮົ່ມ-ກາງແຈ້ງ ແລະມີການອອກແຍບກໍ່ສ້າງຖືກຕ້ອງຕາມເຕັກນີກ,ມີຄວາມປອດໄພ.

ການຮຽນປະຕິບັດຕາມຫລັກສູດສຶກສາທີການໄດ້ນໍາເອົາຫລັກສູດປະສົມປະສານກັບການສຶກສາລະບົບຕ່າງປະເທດຄື: ເນັ້ນສອນພາສາອັງກິດ ແລະຈີນນັບຕັ້ງແຕ່ຊັ້ນອະນຸບານ ແລະສອນຜ່ານການຫລິ້ນກິດຈະກໍາ.

ຄູທຸກຄົນໄດ້ຮັບການຄັດສັນມາຢ່າງດີບໍ່ວ່າດ້ານຄວາມຮູ້ ແລະຄຸນສົມບັດກິລິຍາມາລະຍາດ, ເພື່ອສິດສອນ, ເບຮ່ງແຍງເດັກນ້ອຍ ແລະຕ້ອນຮັບແຂກກໍ່ຄືຜູ້ປົກຄອງຢ່າງເອກະພາບ, ໂດຍບໍ່ມີການຈໍາແນກຊົນຊັ້ນວັນນະ, ເຊື້ອຊາດ, ສາດສາະນາ. ທຸກຄົນລ້ວນແຕ່ເປັນລູກຄ້າວີໄອພີ. ຈຸດນີ້, ໂຮງຮຽນໄດ້ກໍານົດລະບຽບສະເພາະເພື່ອຄຸ້ມຄອງ, ບໍລິຫານຄູ. ທີ່ຕັ້ງຂອງໂຮງຮຽນຕັ້ງຢູ່: ບ້ານນາຫ້ອມ, ເມືອງ ແລະແຂວງຫລວງນໍ້າທາ (ເທດສະບານແຂວງ).ໂທ/ແອັບ: 02028816569, 29991179. Facebook page: Namtha Wisdom School
ຂ່າວ: ບຸນນິກ

แชร์