ສັນຍານເຕືອນໄສ້ຕິ່ງອັກເສບ

ໄສ້ຕິ່ງອັກເສບ ເປັນອາການທີ່ເກີດຂຶ້ນຢ່າງກະທັນຫັນ ແລະອັນຕະລາຍສາມາດເກີດຂຶ້ນໄດ້ໃນທຸກເພດທຸກໄວເຊິ່ງຫລາຍຄົນບໍ່ສາມາດແຍກໄດ້ວ່າເຈັບທ້ອງແບບໃດຈຶ່ງຈະເອີ້ນວ່າເປັນໄສ້ຕິ່ງອັກເສບ. ສັນຍານເຕືອນຂອງອາການໄສ້ຕິ່ງອັກເສບ ມີດັ່ງນີ້:

1) ປວດບໍລິເວນອ້ອມໆສາຍບືແບບກະທັນຫັນ, ຈຸກແໜ້ນທ້ອງ ແລະເບື່ອອາຫານຮ່ວມນຳ.

2) ເຈັບທ້ອງດົນເກີນ 6 ຊົ່ວໂມງ, ປວດບິດໆເປັນໄລຍະໆອ້ອມສາຍບືຄືກັບເຈັບທ້ອງຖອກທ້ອງ, ແຕ່ຖ່າຍບໍ່ອອກ.

3) ປວດຈຸກແໜ້ນທ້ອງເບື້ອງຂວາໂດຍຈະເຈັບທ້ອງບໍລິເວນໂຄງກະດູກຂ້າງເບື້ອງຂວາ ແລະຈະເຈັບຫລາຍຂຶ້ນເລື້ອຍໆ ແລະຈະຮູ້ສຶກເຈັບຫລາຍຂຶ້ນຫາກມີການເຄື່ອນໄຫວ ເຊັ່ນ: ຍ່າງງ, ໄອ, ຈາມ ບາງຄົນອາດມີອາການຖອກທ້ອງຮ່ວມນຳ.

4) ເມື່ອລອງເອົາມືກົດຜົ້ງທ້ອງເບື້ອງຂວາແລ້ວປ່ອຍມືຢ່າງວ່ອງໄວຈະຮູ້ສຶກເຈັບຫລາຍຂຶ້ນ.

5) ມີໄຂ້, ໜາວສັ່ນ ເນື່ອງຈາກເກີດການຕິດເຊື້ອ ບາງຄົນອາດມີອາການປຸ້ນທ້ອງຮາກ ແລະຫາກບໍ່ໄດ້ຮັບການຜ່າຕັດປິ່ນປົວອາດເຮັດໃຫ້ໄສ້ຕິ່ງແຕກ ແລະເຊື້ອພະຍາດເຂົ້າສູ່ກະແສເລືອດຈົນເສຍຊີວິດໄດ້.

6) ໄສ້ຕິ່ງອັກເສບ ເປັນອາການທີ່ຕ້ອງໄດ້ຮັບການປິ່ນປົວໂດຍດ່ວນທີ່ສຸດບໍ່ສາມາດເຊົາໄດ້ເອງເຖິງວ່າປະຈຸບັນຈະມີຢາປິ່ນປົວທີ່ດີຫລາຍກໍຕາມ, ແຕ່ການປິ່ນປົວຕາມມາດຕະຖານຍັງຄົງເປັນການຜ່າຕັດຫາກພົບວ່າມີຄວາມສ່ຽງວ່າເປັນໄສ້ຕິ່ງອັກເສບຄວນຮີບໄປໂຮງໝໍເພື່ອຮັບການກວດ ແລະຮັບການປິ່ນປົວຕໍ່ໄປ.

แชร์