ຕາມຂ່າວຈາກ ພະນົມເປັນ, ກຳປູເຈຍ ຈັດການເລືອກຕັ້ງທົ່ວໄປ ຕາມກຳນົດຊຶ່ງເປັນການລົງຄະແນນເລືອກສະມາຊິກສະພາແຫ່ງຊາດຊຸດໃໝ່ ຄັ້ງທີ 12 ໂດຍສູນການເລືອກຕັ້ງໃນຂອບເຂດທົ່ວປະເທດ ເປີດໃຫ້ປະຊາຊົນ ປະມານ 9,7 ລ້ານຄົນ ທີ່ມີສິດອອກສຽງສາມາດລົງຄະແນນໄດ້ ລະຫວ່າງ ເວລາ 7:00ໂມງ-15:00 ໂມງ ໃນວັນທີ 23 ກໍລະກົດນີ້ ໂດຍມີນັກສັງເກດການທັງພາຍໃນ ແລະຕ່າງປະເທດຫລາຍກວ່າ 90.000 ຄົນ ເຂົ້າຮ່ວມຊື່ງເປັນການເລືອກຕັ້ງທົ່ວໄປ ຄັ້ງທີ 7 ຂອງປະເທດ.
ໃນໂອກາດນີ້ທ່ານ ຮຸນເຊນ ພ້ອມດ້ວຍ ພັນລະຍາ ທ່ານ ນາງ ບຸນ ລານີກຳ ເດີນທາງ ມາໃຊ້ສິດ ເລືອກຕັ້ງຢູ່ສູນແຫ່ງໜຶ່ງໃນນະຄອນຫລວງພະນົມເປັນ, ຂະນະທີ່ທ່ານ ພົນເອກ ຮຸນ ມາເນດ,ລູກຊາຍກົກ ໄດ້ລົງສະໝັກ ເລືອກຕັ້ງ ໃນນາມພັກປະຊາຊົນ ກຳປູເຈຍ (CPP)ຄັ້ງທຳອິດ ແລະຄາດວ່າຈະຍາດໄດ້ສຽງສ່ວນໃຫຍ່ໃນການເລືອກຕັ້ງ ຄັ້ງນີ້ ຈຳນວນ 125 ບ່ອນນັ່ງ ພາຍຫລັງພັກຝ່າຍຄ້ານທີ່ໃຫຍ່ສຸດຄືພັກແສງທຽນຖືກຄະນະກຳມະການເລືອກຕັ້ງຕັດສິດຍ້ອນສົ່ງເອກະສານບໍ່ຄົບ ແຕ່ຍັງມີອີກ 17 ພັກການເມືອງໄດ້ຮັບອະນຸຍາດໃຫ້ສົ່ງຜູ້ສະໝັກລົງແຂ່ງຂັນການເລືອກຕັ້ງໃນຄັ້ງນີ້.
ທີ່ມາ: ຂປລ
| ສະກຸນເງີນ | ອັດຕາຊື້ | ອັດຕາຂາຍ | |
|
EUR | 21.356 | 21.571 |
|
USD | 21.996 | 22.140 |
|
THB | 683 | 690 |
|
CNY | 2.713 | 2.740 |