ວັນທີ 10 ກໍລະກົດ 2024 ນີ້, ໄດ້ມີພິທີປະກາດການຈັດຕັ້ງ ຫົວໜ້າຄະນະຄຸ້ມຄອງດ່ານສາກົນວັງເຕົ່າ. ພິທີຈັດຂຶ້ນຢູ່ຫ້ອງປະຊຸມດ່ານສາກົນວັງເຕົ່າ ເມືອງໂພນທອງ ແຂວງຈໍາປາສັກ ໂດຍໃຫ້ກຽດເປັນປະທານຂອງສະຫາຍ ປະລິນຍາເອກ ອາລຸນໄຊ ສູນນະລາດ ກໍາມະການສູນກາງພັກ ເລຂາພັກແຂວງ ເຈົ້າແຂວງຈໍາປາສັກ ພ້ອມດ້ວຍພາກສ່ວນທີ່ກ່ຽວຂ້ອງ.
ໃນພິທີ, ສະຫາຍ ສູນໃຈ ຊາດຕະກຸນ ຮັກສາການຫົວໜ້າຄະນະຄຸ້ມຄອງດ່ານຊາຍແດນສາກົນວັງເຕົ່າ ໄດ້ຜ່ານບົດສະຫຼຸບການຈັດຕັ້ງປະຕິບັດວຽກງານຮອບດ້ານໄລຍະ 6 ເດືອນຕົ້ນປີ 2024 ໂດຍຍົກໃຫ້ເຫັນຈຸດພິເສດ, ທີ່ຕັ້ງຂອງດ່ານຊາຍແດນສາກົນວັງເຕົ່າ,ຍົກໃຫ້ເຫັນການຈັດຕັ້ງວຽກພັກ, ການຈັດຕັ້ງວຽກລັດ, ສະພາບການນໍາພາວຽກງານການສຶກສາອົບຮົມການເມືອງ - ແນວຄິດ, ວຽກງານປ້ອງກັນຊາດ - ປ້ອງກັນຄວາມສະຫງົບ, ວຽກງານການຈັດເກັບລາຍຮັບ, ວຽກງານກວດກາຄົນເຂົ້າ - ອອກເມືອງ, ວຽກກັກກັນພືດ, ກັກກັນສັດ, ອາຫານ ແລະ ຢາ, ຄວບຄຸມໂລກລະບາດ, ວຽກງານພົວພັນຊາຍແດນ ແລະ ກົງສູນ, ວຽກງານກວດກາຄຸນນະພບນໍ້າມັນ ແລະ ວຽກງານຈັດສັນຄວາມເປັນລະບຽບຮຽບຮ້ອຍພາຍໃນດ່ານ ເຊິ່ງມີທັງຜົນງານດ້ານດີ, ດ້ານອ່ອນ, ຂໍ້ຄົງຄ້າງ ແລະ ບາງບົດຮຽນທີ່ຖອດຖອນໄດ້. ພ້ອມນີ້ ຍັງຜ່ານທິດທາງແຜນການ 6 ເດືອນທ້າຍປີ 2024 ຕື່ມອີກ.
ຕໍ່ມາ, ທ່ານ ພັນເອກ ບຸນອ່ຽງ ພັນວົງສາ ຄະນະປະຈໍາພັກ ຮອງຫົວໜ້າກອງບັນຊາການ ປກສ ແຂວງ ໄດ້ຜ່ານຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ເລກທີ 1426/ປກສ, ລົງວັນທີ 11 ມິຖຸນາ 2024 ວ່າດ້ວຍການແຕ່ງຕັ້ງນາຍຕໍາຫຼວດ ທີ່ຂຶ້ນກັບກອງບັນຊາການ ປກສ ແຂວງ ໂດຍແຕ່ງຕັ້ງ ສະຫາຍ ພັນໂທ ສີຜາ ຂຸນພົນພັກດີ ເປັນຮອງຫົວໜ້າກອງບັນຊາການ ປກສ ແຂວງ ແລະເປັນຫົວໜ້າຄະນະຄຸ້ມຄອງດ່ານສາກົນວັງເຕົ່າ. ພ້ອມນີ້, ສະຫາຍ ສາທິດ ປັດສາພັນ ຮອງຫົວໜ້າຄະນະຈັດຕັ້ງແຂວງ ກໍໄດ້ຜ່ານມະຕິຕົກລົງຂອງຄະນະປະຈຳພັກແຂວງຈໍາປາສັກ ເລກທີ 321/ຄຈພຂ.ຈສ, ລົງວັນທີ 9 ກໍລະກົດ 2024 ວ່າດ້ວຍການບົ່ງຕົວແຕ່ງຕັ້ງສະຫາຍ ພັນໂທ ສີຜາ ຂຸນພົນພັກດີ ຫົວໜ້າຄະນະຄຸ້ມຄອງດ່ານຊາຍແດນສາກົນວັງເຕົ່າ ເປັນຮັກສາການເລຂາຄະນະພັກຮາກຖານດ່ານສາກົນວັງເຕົ່າ.
ຈາກນັ້ນ, ກໍໄດ້ເຊັນບົດບັນທຶກການມອບ-ຮັບໜ້າທີ່ ລະຫວ່າງ ສະຫາຍ ສູນໃຈ ຊາດຕະກຸນ ຮັກສາຫົວໜ້າຄະນະຄຸ້ມຄອງດ່ານຊາຍແດນສາກົນວັງເຕົ່າ ຮັກສາການເລຂາຄະນະພັກຮາກຖານດ່ານຊາຍແດນສາກົນວັງເຕົ່າ (ຜູ້ເກົ່າ) ແລະ ສະຫາຍ ພັນໂທ ສີຜາ ຂຸນພົນພັກດີ ຫົວໜ້າຄະນະຄຸ້ມຄອງດ່ານຊາຍແດນສາກົນວັງເຕົ່າ ແລະຮັກສາການເລຂາຄະນະພັກຮາກຖານດ່ານສາກົນວັງເຕົ່າ (ຜູ້ໃໝ່).
ຕອນທ້າຍພິທີ, ສະຫາຍ ປະລິນຍາເອກ ອາລຸນໄຊ ສູນນະລາດ ກໍາມະການສູນກາງພັກ ເລຂາພັກແຂວງ ເຈົ້າແຂວງຈໍາປາສັກ ກໍມີຄໍາເຫັນໂອລົມຊີ້ທິດເຍືອງທາງ ເພື່ອເປັນບ່ອນອີງໃນການນໍາພາ-ຊີ້ນໍາວຽກງານຮອບດ້ານຂອງດ່ານຊາຍແດນສາກົນວັງເຕົ່າ ໃຫ້ມີຜົນສໍາເລັດໃໝ່ໃຫຍ່ຫຼວງກວ່າເກົ່າ..
ຂ່າວ-ພາບ: ທູນທອງໃຈ
| ສະກຸນເງີນ | ອັດຕາຊື້ | ອັດຕາຂາຍ | |
|
EUR | 21.356 | 21.571 |
|
USD | 21.996 | 22.140 |
|
THB | 683 | 690 |
|
CNY | 2.713 | 2.740 |