ກອງປະຊຸມສໍາມະນາວິຊາການສາກົນກ່ຽວກັບ “ລັດທິມາກ ແລະ ລັດທິສັງຄົມນິຍົມໂລກຮ່ວມສະໄໝ

   ກອງປະຊຸມສໍາມະນາວິຊາການສາກົນກ່ຽວກັບ “ລັດທິມາກ ແລະ ລັດທິສັງຄົມນິຍົມໂລກຮ່ວມສະໄໝ” ແລະ “ທິດສະດີ ແລະ ການປະຕິບັດຂອງການພັດທະນາສັງຄົມນິຍົມໃຫ້ທັນສະໄໝ” (“Marxism and Contemporary World Socialism” and “The Theory and Practice of Socialist Modernization” 2025)ໄດ້ຈັດຂຶ້ນທີ່ເມືອງເຊິນຢາງ ແຂວງລຽວນິງ ສປ ຈີນ ໃນວັນທີ 15 ພະຈິກ 2025 ນີ້. ກອງປະຊຸມດັ່ງກ່າວຈັດຂື້ນໂດຍຄະນະລັດທິມາກ, ມະຫາວິທະຍາໄລລຽວນິງ (School of Marxism, Liaoning University)ໂດຍມີ ຜູ້ຊ່ຽວຊານ ແລະ ນັກວິຊາການຫຼາຍກວ່າ 150 ຄົນຈາກຈີນ, ຣັດເຊຍ, ຫວຽດນາມ, ລາວ ແລະ ປະເທດອື່ນໆ ໄດ້ເຕົ້າໂຮມກັນເພື່ອປຶກສາຫາລືກ່ຽວກັບຄຸນຄ່າໃນປັດຈຸບັນຂອງລັດທິມາກ ລວມເຖິງ ທິດສະດີ ແລະ ການປະຕິບັດຂອງການພັດທະນາສັງຄົມນິຍົມສະໄໝ

ໃໝ່.ສໍາລັບຝ່າຍລາວ ມີ 2 ທ່ານເຂົ້າຮ່ວມກອງປະຊຸມ ແລະ ນໍາສະເໜີບົດ ຄື:  ປອ ນາງ ສຸລິຍາ ມູນນະຣາດ ຈາກມະຫາວິທະຍາໄລແຫ່ງຊາດ ແລະ ທ່ານ ບຸນທະວີ ຂຸນວົງສາ ຈາກໂຮງຮຽນການເມືອງ ແລະ ການປົກຄອງແຂວງຄໍາມ່ວນ

   ກອງປະຊຸມໄດ້ ສົນທະນາຕາມຫົວຂໍ້, ແລະ ເວທີປາໄສສຳລັບນັກວິຊາການໜຸ່ມ, ເຊິ່ງໄດ້ດໍາເນີນການສົນທະນາຢ່າງເລິກເຊິ່ງກ່ຽວກັບທິດສະດີ ແລະ ການປະຕິບັດຂອງການພັດທະນາສັງຄົມນິຍົມສະໄໝໃໝ່ຈາກຫຼາຍມຸມມອງ.

 ໃນຄໍາປາໄສ ແລະ ການນໍາສະເໜີຫົວຂໍ້ຕົ້ນຕໍ, ຜູ້ຊ່ຽວຊານ ແລະ ນັກວິຊາການຈີນ ແລະ ຕ່າງປະເທດໄດ້ແບ່ງປັນຜົນການຄົ້ນຄວ້າຫຼ້າສຸດກ່ຽວກັບທິດສະດີ ແລະ ພຶດຕິກໍາຕົວຈິງແຫ່ງການພັດທະນາສັງຄົມນິຍົມສະໄໝໃໝ່ ໂດຍອີງໃສ່ຂົງເຂດການຄົ້ນຄວ້າຈາກພຶດຕິກໍາຕົວຈິງ ກອງປະຊຸມໄດ້ສະເໜີທັງການຕີຄວາມໝາຍຢ່າງເລິກເຊິ່ງຂອງທິດສະດີຄລາສສິກ ແລະ ການປະເມີນບັນຫາໃນໂລກແຫ່ງຄວາມເປັນຈິງທີ່ຊັດເຈນ; ໂດຍນຳໃຊ້ປະສົບການຂອງຈີນເພື່ອສະຫຼຸບບົດຮຽນທີ່ໄດ້ຮຽນຮູ້ ພ້ອມທັງປະກອບສ່ວນວິທີແກ້ໄຂຈາກມຸມມອງລະດັບໂລກ. ຈາກຫຼາກຫຼາຍມິຕິ ທັງທາງປະຫວັດສາດ ແລະ ຕົວຈິງໃນຍຸກປັດຈຸບັນ, ທັງພາຍໃນປະເທດ ແລະ ສາກົນ, ທິດສະດີ ແລະ ການປະຕິບັດ - ກອງປະຊຸມຄັ້ງນີ້ໄດ້ເສີມສ້າງຄວາມເຂົ້າໃຈຢ່າງເລິກເຊິ່ງກ່ຽວກັບກົດເກນການປົກຄອງຂອງພັກກອມມູນິດ, ການກໍ່ສ້າງສັງຄົມນິຍົມ, ແລະ ການພັດທະນາສັງຄົມມະນຸດ.

 ໃນລະຫວ່າງການສົນທະນາເຊີງວິຊາການ ແລະ ເວທີປາໄສສໍາລັບນັກວິຊາການໜຸ່ມ, ຜູ້ເຂົ້າຮ່ວມໄດ້ແລກປ່ຽນຄວາມຄິດເຫັນຢ່າງເລິກເຊິ່ງກ່ຽວກັບຫົວຂໍ້ສຳຄັນ ເຊັ່ນ: "ຫົວຄິດປະດິດສ້າງທາງທິດສະດີ  ແລະ ສຳຫຼວດພຶດຕິກໍາຕົວຈິງຂອງການຫັນເປັນທັນສະໄໝແບບຈີນ" "ສິ່ງທ້າທາຍ ແລະ ກາລະໂອກາດໃໝ່ສຳລັບຂະບວນການເຄື່ອນໄຫວສັງຄົມນິຍົມໂລກ," "ກຳລັງການຜະລິດໃໝ່ ແລະ ຄວາມຮັ່ງມີຮ່ວມກັນ," ແລະ "ການແລກປ່ຽນອາລະຍະທຳສັງຄົມນິຍົມຈາກມຸມມອງຂ້າມວັດທະນະທຳ." ເຊິ່ງສະແດງໃຫ້ເຫັນເຖິງຄວາມມີຊີວິດຊີວາຂອງການຄົ້ນຄວ້າທິດສະດີມາກ ແລະ ຄວາມຮັບຜິດຊອບຂອງນັກວິຊາການໜຸ່ມຢ່າງເຕັມທີ່.

ກອງປະຊຸມວິຊາການສາກົນນີ້ບໍ່ພຽງແຕ່ເປັນເວທີສົນທະນາລະດັບສູງສຳລັບການແລກປ່ຽນດ້ານວິຊາການເທົ່ານັ້ນ ແຕ່ຍັງເປັນການປະຕິບັດທີ່ສຳຄັນສຳລັບການສົ່ງເສີມການຄົ້ນຄວ້າທິດສະດີມາກ ທົ່ວໂລກ ແລະ ຕອບສະໜອງຄວາມຕ້ອງການເຊີງຍຸດທະສາດລະດັບຊາດ. ຜູ້ເຂົ້າຮ່ວມໄດ້ສຸມໃສ່ບັນຫາຫຼັກ, ເພີ່ມທະວີຄວາມເຂົ້າໃຈທາງທິດສະດີ, ສ້າງຄວາມເຫັນດີເຫັນພ້ອມໃນການປະຕິບັດ, ແລະ ຂະຫຍາຍໂອກາດການຮ່ວມມືນັກວິຊາການຈີນ ແລະ ຕ່າງປະເທດເຕົ້າໂຮມກັນທີ່ເມືອງເຊິນຢາງ ເພື່ອເຊື່ອມສານມິດຕະພາບສ້າງຂົວຕໍ່ໃໝ່ສຳລັບການຮຽນຮູ້ເຊິ່ງກັນແລະກັນ.

แชร์