ເວທີປຶກສາຫາລຶການເງິນພາກໃຕ້ທົ່ວໂລກປີ 2026 ຈະຈັດຂຶ້ນທີ່ນະຄອນຫຼວງປັກກິ່ງ

 ເວທີປຶກສາຫາລືການເງິນພາກໃຕ້ທົ່ວໂລກປີ 2026  ກຳນົດຈະຈັດຂຶ້ນໃນວັນທີ 25 ຫາ 26 ມີນາ ທີ່ນະຄອນຫຼວງ ປັກກິ່ງ.

ເວທີປຶກສາຫາລືໃນປີນີ້ຈັດຂື້ນພາຍໃຕ້ຫົວຂໍ້ "ສ່ອງແສງສະຫວ່າງພາກໃຕ້ທົ່ວໂລກ" ໂດຍສຸມໃສ່ຫົວຂໍ້ຫຼັກຄື "ນຳພາ ສະພາບຄ່ອງຂອງເງີນທຶນສີຂຽວສາກົນ" ເຊີ່ງຈະເຕົ້າໂຮມເອົາຜູ້ນຳຂອງສະຖາບັນການເງິນ, ຜູ້ຊ່ຽວຊານ ແລະ ຜູ້ນຳ ອຸດສາຫະກຳຈາກ ທັງຈີນ ແລະ ຕ່າງປະເທດມາຮ່ວມກັນເພື່ອ ຄົ້ນຫາຮູບແບບການພັດທະນາທາງດ້ານການເງິນທີ່ສອດ ຄ່ອງກັບຄວາມຕ້ອງການຂອງພາກໃຕ້ທົ່ວໂລກ, ເຊິ່ງເປັນການສ້າງແຮງພັກດັນໃໝ່ເຂົ້າໃນສະຖຽນລະພາບ ແລະ ຄວາມ ຈະເລີນຮຸ່ງເຮືອງທາງເສດຖະກິດໂລກ.

ສະມາຄົມເວທີປຶກສາຫາລືຈະຖືກຈັດຕັ້ງເປັນກົນໄກການດຳເນີນງານໄລຍະຍາວ, ເຊິ່ງເຮັດໜ້າທີ່ເປັນກົນໄກທີ່ສະໝໍ່າ ສະເໝີສຳລັບການກຳນົດວາລະ, ການປະສານງານດ້ານຊັບພະຍາກອນ ແລະ ການອຳນວຍຄວາມສະດວກໃນການ ຮ່ວມມືຕະຫຼອດປີ.

ໃນຂະນະດຽວກັນ, ເວທີດັ່ງກ່າວຈະມີການເຜີຍແຜ່ດັດຊະນີທີ່ສຸມໃສ່ການພັດທະນາການຄ້າສີຂຽວໃນພາກໃຕ້ທົ່ວໂລກ. ນອກຈາກນັ້ນ, ຈະຈັດຕັ້ງສູນວາງສະແດງສຳລັບວິທີແກ້ໄຂແບບຍືນຍົງ ແລະ ຈະມີການປະກາດຈັດກອງປະຊຸມຄູ່ຮ່ວມມື ຂໍ້ມູນຂ່າວສານດ້ານເສດຖະກິດ ໜຶ່ງແລວ ໜຶ່ງເສັ້ນທາງ (BREIP) ຄັ້ງທີ 3 ດ້ວຍ.

ນອກນັ້ນ, ຈະມີການປາຖະກະຖາ, ການບັນຍາຍໂດຍຜູ້ຊ່ຽວຊານ ແລະ ການປືກສາຫາລືໂຕະມົນເພື່ອເຊື້ອເຊີນຕົວແທນ ຈາກອົງກອນຈັດຕັ້ງສາກົນ, ອົງການຄຸ້ມຄອງດ້ານການເງິນ, ສະຖາບັນການເງິນ, ສະຖາບັນຄົ້ນຄວ້າ, ມະຫາວິທະຍາໄລ ແລະ ບໍລິສັດໃຫຍ່ໆ ເຂົ້າຮ່ວມການປືກສາຫາລືໃນຫົວຂໍ້ສຳຄັນ  "ສະພາບຄ່ອງຂອງເງີນທຶນສີຂຽວ".

ນອກຈາກນັ້ນ, ຍັງຈະມີການເຜີຍແຜ່ວາລະສານສາກົນກ່ຽວກັບການເງິນພາກໃຕ້ທົ່ວໂລກໃນເວທີປຶກສາຫາລືດັ່ງກ່າວ ໂດຍມີ ຈຸດປະສົງເພື່ອເພີ່ມທະວີບົດບາດຂອງພາກໃຕ້ທົ່ວໂລກໃນວຽກງານການເງິນສາກົນ.

ເວທີປຶກສາຫາດັ່ງກ່າວຈັດໂດຍຫ້ອງການແບຣນສຳນັກງານຂ່າວຊີນຮວາ, ສຳນັກງານຂໍ້ມູນຂ່າວສານເສດຖະກິດຈີນ, ສູນຂໍ້ມູນຂ່າວສານທາງການເງິນແຫ່ງຊາດ, ໜັງສືພີມຫຼັກຊັບຈີນ, ໜັງສືພິມຫຼັກຊັບຊຽງໄຮ, ໜັງສືພິມຂໍ້ມູນເສດ ຖະກິດລາຍວັນ  ແລະ ວາລະສານຟໍຈູນກຮຸບຮ່ວມເປັນເຈົ້າພາບຈັດ, ໂດຍມີເຟີນຈີ້ວກຮຸບເປັນຄູ່ຮ່ວມມືຫຼັກ ແລະ ທະນາຄານກະສິກຳຈີນ (ABC) ເປັນຄູ່ຮ່ວມມືຍຸດທະສາດ. Zeekr ສະໜອງການບໍລິການດ້ານຍານພາຫະນະສຳລັບ ເວທີປຶກສາໃນຄັ້ງນີ້. (ແກ້ໄຂໂດຍ Hu Pingchao)

ບັນນາທິການ: Duan Jing

https://eng.yidaiyilu.gov.cn/p/0JD08B51.html

แชร์