ກອງປະຊຸມວິຊາການ ດ້ານການແພດ ສາຂານາລີເວດ-ສູຕິສາດ ທົ່ວປະເທດຄັ້ງທີ 17
“ການເສີມສ້າງຄວາມເຂັ້ມແຂງໃນວຽກງານການປ້ອງກັນ ແລະ ການປິ່ນປົວທີ່ມີຄຸນນະພາບທາງດ້ານປະສູດ-ພະຍາດຍິງ“ ໄດ້ຈັດຂຶ້ນໃນວັນທີ 3-4 ມິຖຸນາ 2026, ທີ່ສູນປະຊຸມ ICTC ຫຼັກ 5, ນະຄອນຫຼວງວຽງຈັນ.
ໂດຍການເປັນປະທານຂອງທ່ານ ສຈ. ດຣ. ມາຍຟອງ ມາຍຊາຍ ອະທິການບໍດີ ມະຫາວິທະຍາໄລ ວິທະຍາສາດ ສຸຂະພາບ, ທ່ານ ດຣ ນ. ແກ້ວເກດທອງ ພົງສະຫັວນ ປະທານສະມາຄົມການແພດ ນາລີເວດ-ສູຕິສາດລາວ ແລະ ແພດປະສູດ-ພະຍາດຍິງ ຈາກທົ່ວປະເທດ ກໍເຂົ້າຮ່ວມ.
ຈຸດປະສົງໃນການຈັດກອງປະຊຸມແມ່ນເພື່ອໃຫ້ແພດນາລີເວດ-ສູຕິສາດ ຈະໄດ້ຍົກລະດັບຄວາມຮູ້ຢ່າງຕໍ່ເນືອງ ເພື່ອໃຫ້ບັນລຸຢຸດທະສາດ 2030 ແລະ ນັກສຳມະນາກອນຈະໄດ້ມີຄວາມຮູ້ຄວາມສາມາດໃນການບົ່ງມະຕິ ແລະ ແກ້ໄຂບັນຫາ, ເຊັນອາການສົນໃນເວລາຖືພາ, ການຕິດຕາມການເກີດລູກທີ່ປອດໄພ, ການຜ່າເກີດລູກທີ່ບໍ່ສົມເຫດສົມຜົນ, ການເບີ່ງເດັກເກີດກ່ອນກຳນົດ, ການວາງແຜນຄອບຄົວ.
ໃນກອງປະຊຸມຂອງສະມາຄົມການແພດ ນາລີເວດ-ສູຕິສາດ ລາວ ມີເປົ້າໝາຍເພື່ອດູແລ ແມ່ຍິງຖືພາ ແລະ ແມ່ຍິງລາວ ໃຫ້ມີສຸຂະພາບທີ ່ ສົມບູນ ດ້ວຍການປິ່ນປົວທີ່ມີຄຸນນະພາບຕາມມາດຕະຖານສາກົນ ເພື່ອຊ່ວຍຫຸດຜ່ອນການເຈັບເປັນ ແລະ ເສຍຊິວິດຂອງແມ່ ແລະ ຍັງເປັນ ບ່ອນທີ ່ ເພີ່ມພູນຄວາມຮູ ້ຄວາມສາມາດໃຫ້ແກ່ທ່ານໝ ທີ ່ ເຮັດ ໜ້າທີ ່ ປິ່ນປົວປະສູດ-ພະຍາດຍິງ ໄດ້ ແລກ ປ່ຽນຄວາມຮູ້, ຖອດຖອນບົດຮຽນເຊີ່ງກັນ ແລະ ກັນ ພ້ອມທັງປະສົບການຕ່າງໆທີ ່ ພົບໃນ ແຕ່ລະໂຮງໝໍ ໃນທົ່ວປະເທດ. ເນື່ອງຈາກການເສຍຊິວິດຂອງແມ່ຍັງເປັນໜຶ່ງເງື່ອນໄຂ ທີ່ຈະເຮັດ ໃຫ້ປະເທດລາວ ຫຼຸດພົ້ນອອກຈາກຄວາມທຸກຍາກໃນ ປີ 2030 ທີ່ລັດຖະບານໄດ້ວາງໄວ້,
