ໂອກາດນີ້, ບັນດາທ່ານ ສະມາຊິກສະພາປະຊາຊົນແຂວງ ໄດ້ນຳເອົາເນື້ອໃນບັນດາມະຕິຂອງກອງປະ ຊຸມຄັ້ງປະຖົມມະລືກ ຂອງສະພາແຫ່ງຊາດ ຊຸດທີ X ແລະ ສະພາປະຊາຊົນແຂວງອັດຕະປື ຊຸດທີ V, ໂດຍສະເພາະແມ່ນບັນດາມະຕິ, ກົດໝາຍ ແລະລະບຽບການການຕ່າງທີ່ຕິດພັນກັບແນວທາງນະ ໂຍບາຍຂອງພັກ ເຜີຍແຜ່ໃຫ້ປະຊາຊົນຮັບຮູ້, ເຊື່ອມຊຶມ ແລະ ເຂົ້າໃຈຢ່າງເລິກເຊິ່ງ. ໃນໂອກາດດຽວນີ້, ຄະນະຜູ້ແທນຍັງໄດ້ຮັບຟັງການລາຍງານສະພາບການພັດທະນາເສດຖະກິດ-ສັງຄົມ ຈາກອຳນາດການປົກຄອງບ້ານ ແລະ ຮັບຟັງຄຳຄິດ, ຄຳເຫັນ, ຄຳສະເໜີຂອງພໍ່ແມ່ປະຊາຊົນພາຍໃນບ້ານດັ່ງກ່າວ ທີ່ຕິດພັນກັບການພັດທະນາເສດຖະກິດ-ສັງຄົມ ແລະ ການທຳມາຫາກິນຂອງພໍ່ແມ່ປະຊາຊົນ. ໃນນັ້ນ, ປະຊາຊົນໄດ້ຍົກຂຶ້ນມາສະເໜີໂດຍສະເພາະແມ່ນ ບັນຫາການປັບປຸງພື້ນຖານໂຄງລ່າງ, ການກໍ່ສ້າງຕັດຕາຜ້າພາຍໃນບ້ານ, ການສ້ອມແປງໂຮງຮຽນປະຖົມ, ຂົວຂ້າມນ້ຳຫວຍ, ການອອກໃບຕາດີນຖາວອນແລະບັນຫາອື່ນໆ, ທີ່ປິ່ນອ້ອມຊີວິດການເປັນຢູ່. ຈາກນັ້ນ, ບັນດາທ່ານສະມາຊິກສະພາປະຊາຊົນແຂວງ ກໍ່ໄດ້ມີຄຳເຫັນອະທິບາຍ-ຊີ້ແຈງ ຕໍ່ກັບບາງບັນຫາທີ່ປະຊາຊົນສົນໃຈ ແລະ ມີຄຳສະເໜີ, ພ້ອມທັງໄດ້ລວບລວມເອົາຂໍ້ສະເໜີທີ່ຈຳເປັນຕ່າງໆ ເພື່ອແຈ້ງຕໍ່ພາກສ່ວນກ່ຽວຂ້ອງພິຈາ ລະນາແກ້ໄຂຕາມຂັ້ນຕອນໃນຕໍ່ໜ້າ.

 

ສະມາຊິກສະພາປະຊາຊົນແຂວງ ຍັງໄດ້ໄດ້ເນັ້ນໜັກໃຫ້ຄະນະພັກ, ອຳນາດການປົກຄອງບ້ານ ເອົາ ໃຈໃສ່ນຳພາປະຊາຊົນ ແລະ ຄອບຄົວສ້າງເສດຖະກິດເອກະລາດເປັນເຈົ້າຕົນເອງ ດ້ວຍການຊຸກຍູ້ການຜະລິດເປັນສິນຄ້າ, ນຳໃຊ້ທ່າແຮງບົ່ມຊ້ອນຂອງທ້ອງຖິ່ນເຂົ້າໃນການປູກ-ການລ້ຽງ, ສ້າງອາຊີບທີ່ໝັ້ນຄົງ ເພື່ອຍົກລະດັບຊີວິດການເປັນຢູ່ຂອງປະຊາຊົນໃຫ້ຫຼຸດພົ້ນອອກຈາກຄວາມທຸກຍາກເທື່ອລະກ້າວ.

ໂອກາດດັ່ງກ່າວຫ້ອງການແຮງງານ ແລະ ສະຫວັດດີການສັງຄົມເມືອງ ໄດ້ນຳເອົາເຄື່ອງຊ່ວຍເຫຼືອໄປມອບໃຫ້ແກ່ຄອບຄົວທຸກຍາກ 17 ຄອບຄົວ, ມີເຂົ້າສານຈ້າວ 27 ສອບ, ຜ້າຫົ່ມ 17 ຜືນ, ກ່ອງຊຸດຄອບຄົວອາຊຽນ 2 ກ່ອງ, ທີ່ໄດ້ຮັບການສະໜັບສະໜູນ ຈາກລັດຖະບານ ໂດຍຜ່ານພະແນກແຮງ ງານ ແລະ ສະຫວັດດີການສັງຄົມແຂວງ ແລະ ເບ້ຍໄມ້ໃຫ້ໝາກອີກຈຳວນໜຶ່ງ ໂດຍໄດ້ຮັບການສະໜັບສະໝູນຈາກອົງການປົກຄອງເມືອງ.

ຂ່າວ:ພຸດປະສົງ