ແອັດສະປາຍ ຄືນຟອມເກັ່ງ ຖະຫຼົ່ມ ຊາອຸ 4-0 ໂອກາດເຂົ້າຮອບສົດໃສ

ທີມຊາດແອັດສະປາຍ (ສະເປນ) ສາມາດກັບຄືນສູ່ຟອມເກັ່ງຂອງຕົນເອງໄດ້ອີກຄັ້ງ ຫຼັງລົງສະ​ໜາມນັດທີສອງໄລ່ຖະຫຼົ່ມ ທີມຊາດຊາອຸດິອາ​ຣັບ​ບີ ໄປແບບຂາດ​ລອຍເຖິງ 4-0 ປະຕູ ເກັບໄຊຊະນະນັດທຳອິດໃນບານໂລກ 2026 ເສັ້ນທາງເຂົ້າຮອບສຸດສົດໃສຂຶ້ນ​ທັນ​ທີ.
 
ໃນເກມນີ້, ແອັດ​ສະ​ປາຍ ຍິງ​ຂຶ້ນ​ນຳ​ກ່ອນ​ໃນ​ນາ​ທີ ທີ 10, ຈາກ​ການ​ຍິງ​ຂອງ ລາມີນ ຢາມາວ. ຈາກນັ້ນ ມິເກວ ໂອຢາຊາບານ ກໍ​ມາຍິງຄົນດຽວ 2 ປະຕູລວດ ໃນ​ນາ​ທີ​ທີ 21 ແລະ 24 ເຮັດ​ໃຫ້ ຈົບ​ເຄິ່ງ​ເວ​ລາ​ທຳ​ອິດ ແອັດສະປາຍ ນຳຫ່າງ 3-0 ປະ​ຕູ.
 
ເຂົ້າ​ສູ່ເຄິ່ງເວລາ​ທີ 2 ແອັດສະປາຍ ຍັງຄອງເກມເໜືອກວ່າຢ່າງຈະແຈ້ງ ແລະ ມາໄດ້ປະຕູປິດ​ທ້າຍ​ຕອກ​ຢ້ຳ​ໄຊ​ຊະ​ນະ ຈາກຈັງຫວະທີ່ ມາກ ກູກູເຣຢາ ຍິງແຕ່​ຜູ້ຫຼິ້ນ​ຂອງ​ຊາ​ອຸ​ດິ​ອາ​ຣັບ​ບີ ສະກັດເຂົ້າປະຕູຕົວເອງ ສົ່ງໃຫ້ແອັດສະປາຍ​ເອົາ​ຊະ​ນະ​ໄປ 4-0 ປະ​ຕູ ເກັບ 3 ຄະແນນ, ມີເພີ່ມເປັນ 4 ຄະແນນ ຈາກ 2 ນັດ ຂຶ້ນເປັນທີມນຳກຸ່ມ H.
 
ສ່ວນຊາອຸດິ ອາ​ຣັບບີ ມີ 1 ຄະແນນ ແຕ່​ກໍ​ຍັງ​ມີ​ຄວາມ​ຫວັງ​ຈະ​ເຂົ້າ​ຮອບ ເຊິ່ງ​ນັດ​ສຸດ​ທ້າຍຕ້ອງ​ໄປ​ຕັດ​ສິນ​ກັບເຄບເວີດ (Cape Verde) ໃນ​ວັນ​ທີ 27 ມິ​ຖຸ​ນານີ້, ຂະນະທີ່ ແອັດສະປາຍ ຈະພົບກັບ ອູຣູໄກວ ໃນວັນດຽວ​ກັນ​ນີ້.

แชร์