ການຈັດຊື້ ແລະ ມອບ-ຮັບພາຫະນະເຕັກນິກໃນຄັ້ງນີ້ ແມ່ນສ່ວນໜຶ່ງຂອງແຜນງານພັດທະນາການບໍລິການດ້ານສິ່ງແວດລ້ອມຕົວເມືອງ ຂອງໂຄງການປັບປຸງສິ່ງແວດລ້ອມຕົວເມືອງ ນະຄອນ ຫລວງພະບາງ ໂດຍມີເປົ້າໝາຍຫລັກໃນການເພີ່ມຄວາມສາມາດ, ຍົກລະດັບປະສິດທິພາບ ການເກັບ ແລະ ຂົນສົ່ງຂີ້ເຫຍື້ອຈາກຊຸມຊົນ, ຕະຫລາດ, ເຂດເສດຖະກິດ ແລະ ພື້ນທີ່ສາທາລະນະ ພາຍໃນຕົວເມືອງ ໄປກຳຈັດຢູ່ສະໜາມຂີ້ເຫຍື້ອ ໃຫ້ຖືກຕ້ອງຕາມຫລັກວິຊາການ ແລະ ເຕັກນິກຮັກສາສະພາບແວດລ້ອມຕົວເມືອງ, ຊຶ່ງລົດຂົນສົ່ງຂີ້ເຫຍື້ອທີ່ມອບຮັບຄັ້ງນີ້ ເປັນພາຫະນະທີ່ທັນສະໄໝ ຈະສາມາດປະກອບສ່ວນອັນສຳຄັນ ໃນການແກ້ໄຂບັນຫາຂີ້ເຫຍື້ອຕົກຄ້າງໃນຊຸມຊົນ, ເສີມສ້າງສຸຂະອະນາໄມດ້ານສິ່ງແວດລ້ອມ ແລະ ຍົກລະດັບຄຸນນະພາບຊີວິດ ຂອງປະຊາຊົນ ນະຄອນ ຫລວງພະບາງ ໃຫ້ດີຂຶ້ນ.