ກັກຕົວໄດ້ 589 ຄົນ ແກ້ງສະແກມເມີ ແລະເວັບພະນັນອອນລາຍ ຢູ່ນະຄອນຫຼວງວຽງຈັນ

ໃນເວລາ 10 ໂມງຂອງວັນທີ 18 ກໍລະກົດ 2026, ເຈົ້າໜ້າທີ່ໜ່ວຍສະເພາະກິດແກ້ໄຂບັນຫາສະແກມເມີ ກະຊວງປ້ອງກັນຄວາມສະຫງົບ ຮ່ວມກັບກຳລັງປ້ອງກັນເຄື່ອນທີ່ ໄດ້ເຂົ້າມ້າງກຸ່ມແກ້ງເປີດໃຫ້ບໍລິການເວັບພະນັນອອນລາຍ ແລະ ກຸ້ມແກ້ງສໍ້ໂກງຊັບທາງໂທລະຄົມ ແລະ ການສື່ສານ ຫຼື ແກ້ງສະແກມເມີ ຢູ່ຕຶກອາຄານໃຫ້ເຊົ່າເຂດບ້ານດົງໂພສີ ເມືອງຫາດຊາຍຟອງ ນະຄອນຫຼວງວຽງຈັນ ສາມາດກັກຕົວຜູ້ຖືກຫາໄດ້ 500 ກວ່າຄົນ ລວມມີ 4 ສັນຊາດ.
 
ການເຂົ້າມ້າງກຸ່ມແກ້ງເວັບພະນັນອອນລາຍ ແລະ ສະແກມເມີ ໃນຄັ້ງນີ້ສາມາມາດກັກຕົວຜູ້ຖືກຫາໄດ້ 589 ຄົນ ຍິງ 309 ຄົນ, ມີ 4 ສັນຊາດ; ໃນນີ້ ມີສັນຊາດໄທ ມີ 373 ຄົນ ຍິງ 198 ຄົນ, ລາວ 199 ຄົນ ຍິງ 105 ຄົນ, ຫວຽດນາມ 15 ຄົນ ຍິງ 4 ຄົນ ແລະ ສັນຊາດກຳປູເຈຍ ຍິງ 2 ຄົນ; ພ້ອມນີ້ຍັງໄດ້ຢຶດເຄື່ອງຂອງກາງມີ ຄອມພິວເຕີຕັ້ງໂຕະ 1.517 ໜ່ວຍ, ໂນດບຸກ 4.045 ໜ່ວຍ, ໂທລະສັບມືຖື 5.245 ໜ່ວຍ ເພື່ອນຳໄປກວດສອບ ແລະ ສືບສວນຂະຫຍາຍ.
 
ປັດຈຸບັນ, ເຈົ້າໜ້າທີ່ກໍາລັງດໍາເນີນການສືບສວນ-ສອບສວນ ເພື່ອຫາຫົວໂປ່ໂຕການ ແລະ ຜູ້ຮ່ວມຂະບວນການມາດໍາເນີນຄະດີຕາມລະຽບກົດໝາຍ.

แชร์