ອາກາດຮ້ອນຮຸນແຮງ ອາດເຮັດໃຫ້ເສດຖະກິດອີຕາລີເສຍຫາຍ

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນວັນ​ທີ 18 ກໍ​ລະ​ກົດ ຜ່ານມາ, ສະ​ຫະ​ພັນ​ວິ​ສາ​ຫະ​ກິດ​ດ້ານ​ການ​ຄ້າ, ການ​ທ່ອງ​ທ່ຽວ ແລະ ​ກາ​ນ​ບໍ​ລິ​ການ​ອີ​ຕາ​ລີ​ໄດ້​ເປີດ​ເຜີຍ​ບົດ​ລາຍ​ງານ​ສະ​ບັບ ໜຶ່ງວ່າ: ຄຽງຄູ່ກັບສະພາບອາກາດທີ່ຮຸນແຮງນັບມື້ນັບຫຼາຍຂຶ້ນ, ສະພາບອາກາດຮ້ອນຮຸນແຮງຢ່າງຕໍ່ເນື່ອງອາດຈະເຮັດໃຫ້ເສດຖະກິດອີຕາລີໄດ້ຮັບຜົນເສຍຫາຍໃນລະຫວ່າງ 6 ຕື້ ຫາ 12 ຕື້ເອີໂຣຕໍ່ປີ.
 
ບົດລາຍງານລະບຸວ່າ: ຫາກວ່າອີຕາລີປະສົບກັບອາກາດຮ້ອນຮຸນແຮງ 30 ຫາ 60 ວັນໃນແຕ່ລະປີ, ວິສາຫະກິດຈະປະເຊີນກັບຄວາມກົດດັນຫຼາຍດ້ານ ເຊັ່ນ: ຕົ້ນທຶນດ້ານພະລັງງານເພີ່ມຂຶ້ນ, ອັດຕາການຜະລິດຂອງແຮງງານຫຼຸດລົງ, ລາຍຮັບຈາກການດຳເນີນທຸລະກິດຫຼຸດລົງ ແລະ ອື່ນໆ. ສະພາບອາກາດຮ້ອນຍັງຈະປ່ຽນແປງຄວາມ​ຊິນເຄີຍດ້ານການບໍລິໂພກ ແລະ ການທ່ອງທ່ຽວຂອງປະຊາຊົນ, ຈະສົ່ງຜົນກະທົບຕໍ່ການຄ້າ, ການທ່ອງທ່ຽວ ແລະ ຂະແໜງການຕ່າງໆຕື່ມອີກ.

แชร์