ດາວເດັ່ນປະຈໍາໂຮງຮຽນ ໂຮງຮຽນ ວິຣະຖາວອນ ນາງ ເຈັນທິດາ ພັນທະວົງ ຄວ້າໃບປະກາດແດງ

ບັນຍາກາດແຫ່ງຄວາມພາກພູມໃຈ ແລະ ຊື່ນຊົມຍິນດີ ໄດ້ຄອບຄຸມໄປທົ່ວພິທີສະຫຼຸບຜົນການສອບເສັງຈົບຊັ້ນ ມັດທະຍົມປາຍ (ມ.7) ທົ່ວນະຄອນຫຼວງວຽງຈັນ ໂດຍສະເພາະແມ່ນຄະນະອໍານວຍການ, ຄູ-ອາຈານ ແລະ ຜູ້ປົກຄອງ ຂອງ ໂຮງຮຽນ ວິຣະຖາວອນ ທີ່ໄດ້ສ້າງຊື່ສຽງອັນງົດງາມອີກວາລະໜຶ່ງ.

 ໃນພິທີອັນຊົງກຽດນີ້, ນ້ອງໆນັກຮຽນຈາກໂຮງຮຽນ ວິຣະຖາວອນ ຈໍານວນຫຼາຍທ່ານ ໄດ້ຖືກຂະໜານນາມວ່າເປັນ “ນັກຮຽນດີນັກຮຽນເກັ່ງ” ຫຼັງຈາກທີ່ເຂົາເຈົ້າສາມາດຍາດໄດ້ລາງວັນ ແລະ ໃບຍ້ອງຍໍປະເພດຕ່າງໆ ຈາກຜົນການສອບເສັງທີ່ພົ້ນເດັ່ນ. ຄວາມສໍາເລັດໃນຄັ້ງນີ້ ບໍ່ພຽງແຕ່ສະທ້ອນເຖິງຄວາມຕັ້ງໃຈ ແລະ ຄວາມພະຍາຍາມຂອງນ້ອງໆເທົ່ານັ້ນ, ແຕ່ຍັງເປັນການຢັ້ງຢືນເຖິງຄຸນນະພາບການຮຽນ-ການສອນ ທີ່ໄດ້ມາດຕະຖານຂອງ ໂຮງຮຽນ ວິຣະຖາວອນ ອີກດ້ວຍ.

 ດາວເດັ່ນປະຈໍາໂຮງຮຽນ: ນາງ ເຈັນທິດາ ພັນທະວົງ ຄວ້າໃບປະກາດແດງ

ໃນບັນດານັກຮຽນທີ່ສ້າງຜົນງານດີເດັ່ນທັງໝົດ, ຂໍສະແດງຄວາມຊົມເຊີຍເປັນພິເສດແກ່ ນາງ ເຈັນທິດາ ພັນທະວົງ ນັກຮຽນຄົນເກັ່ງຈາກ ໂຮງຮຽນ ວິຣະຖາວອນ ທີ່ສາມາດສ້າງປະຫວັດສາດໜ້າໃໝ່ດ້ວຍການຄວ້າ “ໃບປະກາດແດງ” ມາຄອງໄດ້ສໍາເລັດ.

 ກຽດຕິຍົດໃບປະກາດແດງນີ້ ຈະມອບໃຫ້ສະເພາະນັກຮຽນທີ່ມີຜົນການຮຽນດີເລີດຕະຫຼອດສົກຮຽນ ໂດຍມີຄະແນນສະເລ່ຍລວມ ບໍ່ຫຼຸດ 9.0 (ໃນລະບົບຄະແນນເຕັມ 10). ຜົນງານດັ່ງກ່າວສະແດງໃຫ້ເຫັນເຖິງຄວາມຮູ້, ຄວາມສາມາດ ແລະ ຄວາມອົດທົນທີ່ເປັນເລີດຂອງນາງ ເຈັນທິດາ ເຊິ່ງຖືເປັນແບບຢ່າງອັນດີງາມໃຫ້ກັບໝູ່ເພື່ອນຮຸ່ນຫຼັງ.

 ຄວາມສໍາເລັດຂອງ ນາງ ເຈັນທິດາ ແລະ ນ້ອງໆນັກຮຽນທຸກຄົນໃນຄັ້ງນີ້ ໄດ້ຕອກຍໍ້າຄໍາຂວັນ ແລະ ພາລະກິດຂອງ ໂຮງຮຽນ ວິຣະຖາວອນ ທີ່ເປັນ “ໂຮງຮຽນຕົວແບບຄຸນນະພາບ” ຂອງນະຄອນຫຼວງວຽງຈັນ ຢ່າງແທ້ຈິງ ໃນການສ້າງບຸກຄະລາກອນທີ່ມີຄຸນນະພາບ ເພື່ອເປັນອະນາຄົດຂອງປະເທດຊາດ.

 ທາງໂຮງຮຽນ ຂໍສະແດງຄວາມຍິນດີ ແລະອວຍພອນໃຫ້ນ້ອງໆນັກຮຽນທຸກຄົນ ຈົ່ງສືບຕໍ່ຮັກສາມູນເຊື້ອຄວາມເກັ່ງ ແລະ ປະສົບຜົນສໍາເລັດໃນເສັ້ນທາງການສຶກສາຂັ້ນຕໍ່ໄປ..

 

 

แชร์