ຖືເປັນຂ່າວດີຂອງວົງການກິລາບານເຕະ ສປປ ລາວ ໃນວັນທີ 8 ຕຸລາ 2026 ຜ່ານມາ ທາງສະຫະພັນບານເຕະອາຊີ (Asian Football Confederation) ໄດ້ມີການມອບໃບປະກາດສະນີຍາບັດໃຫ້ແກ່ນັກສຳມະນາກອນ ທີ່ສຳເລັດການສຶກສາຈາກໂຄງການ AFC Empowering Women in Football Programme (AEWFP) ຮຸ່ນທີ 2, ເຊິ່ງມີຕົວແທນຈາກ ສປປ ລາວ ເຂົ້າຮ່ວມຝຶກອົບຮົມໃນຮຸ່ນນີ້ມີ ນາງ ດາຣູນີ ຊະນະແກ້ວ ຮອງປະທານ ສະຫະພັນບານເຕະ ແຂວງ ຫຼວງພະບາງ ແລະ ທັງເປັນຜູ້ບໍລິຫານ ສະໂມສອນ ຫຼວງພະບາງ ຟຟລ ທີ່ກຳລັງແຂ່ງຂັນໃນ ລາວລີກ 1 ແລະ ທ່ານ ນາງ ປຣະຣີຊາດ ສຸກສໍາລານ ຜູ້ຊ່ວຍເລຂາທິການ ສະຫະພັນບານເຕະແຫ່ງຊາດລາວ (ສຕລ) ແລະ ຜູ້ຈັດການທີມຊາດຍິງ ຮຸ່ນອາຍຸບໍ່ເກີນ 17 ປີ.