ການຈຳໜ່າຍລົດຍົນພະລັງງານໃໝ່ຢູ່ຈີນສືບຕໍ່ເພີ່ມຂຶ້ນຢ່າງຕໍ່ເນື່ອງ

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 12 ພະຈິກ ຜ່ານມາວ່າ: ອີງຕາມຂໍ້ມູນຫຼ້າສຸດທີ່ສະມາຄົມອຸດສາຫະກຳລົດຍົນຈີນເປີດເຜີຍໃນວັນທີ 11 ພະຈິກ ຜ່ານມາ ສະແດງໃຫ້ເຫັນວ່າ, ເດືອນຕຸລາຜ່ານມາ ຈຳນວນການຜະລິດ ແລະຈຳໜ່າຍລົດຍົນພະລັງງານໃໝ່ຂອງຈີນແມ່ນ 2,017,000 ຄັນ ແລະ 1,940,000 ຄັນຕາມລຳດັບ, ເພີ່ມຂຶ້ນ 13.8% ແລະ 13.1% ຕາມລໍາດັບ ເມື່ອທຽບໃສ່ໄລຍະດຽວກັນຂອງປີກາຍ, ຍອດຈຳໜ່າຍລົດຍົນພະລັງງານໃໝ່ກວມເອົາ 64.3% ຂອງຍອດຈຳໜ່າຍລົດຍົນທັງໝົດ ແລະ ອັດຕາການຈຳໜ່າຍລົດຍົນພະລັງງານໃໝ່ຍັງສືບຕໍ່ເພີ່ມຂຶ້ນຢ່າງຕໍ່ເນື່ອງ.
ຂໍ້ມູນດັ່ງກ່າວສະແດງໃຫ້ເຫັນວ່າ: ຍອດການສົ່ງອອກລົດຍົນຂອງຈີນເກີນ 1,000,000 ຄັນເປັນເວລາ 5 ເດືອນລຽນຕິດ ແລະ ອັດຕາສົ່ງອອກລົດຍົນພະລັງງານໃໝ່ເກີນ 50% ເປັນເວລາ 5 ເດືອນລຽນຕິດ. ໃນເດືອນຕຸລາ ຜ່ານມາ, ຍອດການສົ່ງອອກລົດຍົນພະລັງງານໃໝ່ມີເຖິງ 606,000 ຄັນ, ເພີ່ມຂຶ້ນ 1.4 ເທົ່າ ເມື່ອທຽບໃສ່ໄລຍະດຽວກັນຂອງປີກາຍ.