ຄຳມ່ວນ ມີຄະດີກ່ຽວກັບຊັບພະຍາກອນໄມ້ 221 ເລື່ອງ

  ໃນວັນທີ 25 ຕຸລາ2019 ຢູ່ທີ່ພະແນກກະສິກຳ ແລະປ່າໄມ້ແຂວງຄຳມ່ວນໄດ້ດຳເນີນກອງປະຊຸມໃຫຍ່ຄັ້ງທີ II ຂອງໜ່ວຍພັກກອງກວດກາປ່າໄມ້ປະຈຳແຂວງໂດຍການເປັນກຽດເຂົ້າຮ່ວມຂອງສະຫາຍ ບຸນຈັນ ໄຊປັນຍາ ເລຂາພັກຮາກຖານຫົວໜ້າພະແນກກະສິກຳ ແລະປ່າໄມ້ແຂວງ, ທ່ານ ແກ້ວ ວົງພະຈັນ ຄະນະຈັດຕັ້ງແຂວງ, ມີຕາງໜ້າຄະນະໂຄ ສະນາອົບຮົມ, ຕະຫຼອດຮອດບັນດາເລ ຂາໜ່ວຍພັກອ້ອມຂ້າງ ແລະສະມາຊິກ ພັກພາຍໃນໜ່ວຍເຂົ້າຮ່ວມ.

  ສະຫາຍ ຄຳແກ້ວ ລັດທະຍອດ ເລຂາໜ່ວຍພັກກອງກວດກາປ່າໄມ້ໄດ້ຜ່ານຮ່າງລາຍງານການເມືອງ ພ້ອມທັງຕີລາ ຄາຄືນການຈັດຕັ້ງປະຕິບັດວຽກງານໃນໄລຍະ 5 ປີຜ່ານມາກອງກວດກາປ່າໄມ້ປະກອບມີ 4 ໜ່ວຍງານອ້ອມຂ້າງ ແລະ10 ໜ່ວຍງານກອງກວດກາປ່າໄມ້ປະຈຳເມືອງຊຶ່ງຍາມໃດຄະນະພັກພວກເຮົາໄດ້ຖືເອົາວຽກງານສຶກສາອົບຮົມດ້ານການເມືອງ-ແນວຄິດເປັນບັນຫາຫຼັກ,ເອົາໃຈໃສ່ສຶກສາອົບຮົມການເມືອງແນວຄິດໃຫ້ແກ່ສະມາຊິກພັກ,ພະນັກງານເຈົ້າໜ້າທີ່ປ່າໄມ້ຢ່າງຕໍ່ເນື່ອງ, ເອົາ ໃຈໃສ່ດຳເນີນຮ່ວມຊີ ວິດພັກເປັນປົກກະຕິ, ຕິດພັນກັບການສ້າງ ໜ່ວຍພັກປອດໃສ, ປັບປຸງລະບົບການຈັດຕັ້ງພັກ, ແບບແຜນວິທີເຮັດວຽກຂອງຄະນະພັກ, ສະມາຊິກພັກໃຫ້ມີຄວາມປອດໃສ, ໜັກແໜ້ນ, ເຂັ້ມແຂງ, ສາມາດປະຕິບັດໜ້າທີ່ການເມືອງໄດ້ຢ່າງເຕັມສ່ວນ.

  ປະຈຸບັນມີສະມາຊິກພັກທັງໝົດ 38 ສະຫາຍ, ຍິງ 5 ສະຫາຍ, ສຳຮອງ 1 ສະຫາຍ/ຍິງ ໃນນີ້ເປັນສະມາຊິກພັກແຂງ 11 ສະຫາຍ, ຍິງ 1 ສະຫາຍ ສາມາດ ຂະຫຍາຍສະມາຊິກໄດ້ 10 ສະຫາຍ,ຍິງ 1 ສະຫາຍ ເພີ່ມຂຶ້ນ 38.7%. ດ້ານວຽກງານວິຊາສະເພາະໄດ້ຕິດຕາມກວດກາຜະລິດຕະພັນໄມ້ສົ່ງອອກໄປຕ່າງປະເທດໄດ້ທັງໝົດ 30.806. 176 ມັດ, ບໍລິມາດ 70.452.197 ແມັດກ້ອນ, ນໍ້າໜັກ 4.027.997 ກິໂລ, ມີມູນຄ່າການສົ່ງອອກເຖິງ 15.607.369,81 ໂດ ລາສະ ຫະລັດກັບ 53 ລ້ານກວ່າກີບ, ກວດກາຢຶດໄມ້ ແລະເຄື່ອງປ່າຂອງດົງໄດ້ 136.737 ໂຕ, ບໍລິມາດ 5.058,354 ແມັດກ້ອນກັບ 109.954 ກິໂລ, ຢຶດ ເຄື່ອງປ່າຂອງດົງ 221.182 ກິໂລ.

ສະໜັບສະໜຸນໂດຍ: ສ່ວນບຸກຄົນ

  ວຽກງານປະຕິບັດຄຳສັ່ງເລກທີ 15/ນຍ ຮ່ວມກັບທີມງານສະເພາະກິດຂັ້ນ ແຂວງຜັນຂະຫຍາຍຄຳສັ່ງເລກທີ 15/ນຍ ໃຫ້ບັນດາພະນັກງານ, ທະຫານ, ຕຳຫຼວດ ແລະຜູ້ປະກອບການທຸລະກິດໄມ້ຕະ ຫຼອດຮອດພໍ່ແມ່ປະຊາຊົນ, ຢຶດໄມ້ໄດ້ 13.601,131 ແມັດກ້ອນກັບ 264.683 ກິໂລ ແລະທ້ອນໂຮມຈັກຕັດໄມ້ໄດ້ 9.435 ເຄື່ອງສັງລວມຄະດີກ່ຽວກັບຊັບ ພະຍາກອນປ່າໄມ້ໄດ້ທັງໝົດ221 ເລື່ອງ, ແກ້ແລ້ວ 149 ເລື່ອງ, ກຳລັງດຳເນີນ 72 ເລື່ອງ, ສົ່ງໄອຍາການແຂວງ 15 ເລື່ອງ, ສົ່ງຟ້ອງສານຖະແຫຼງ 2 ເລື່ອງ, ແກ້ໄຂບໍລິຫານ 132 ເລື່ອງ.  

  ນອກນັ້ນຍັງໄດ້ກັກພາຫະນະທີ່ພົວພັນກັບການກະທຳຜິດໄດ້ 144 ຄັນ, ອຸປະກອນທີ່ໃຊ້ເຂົ້າໃນການກະທຳຜິດ 6 ລາຍ ການຈຳນວນ 5.993 ກະບອກ, ປັບໃໝ   ຜູ້ລະເມີດລະບຽບກົດໝາຍ ແລະ ມອບເງິນເຂົ້າພັດທະທ້ອງຖິ່ນໄດ້ 60% ເປັນມູນຄ່າເງິນ 1 ຕື້ກວ່າກີບ ແລະ 105.779,19 ໂດລາສະຫະລັດ, ສົ່ງເຄື່ອງຂອງກາງໃຫ້ຄະນະກຳມະການປະມູນຂາຍໄມ້ຂັ້ນແຂວງຂາຍຕາມລະບຽບ 13.452.020 ແມັດກ້ອນກັບ 257.457 ກິໂລ, ຍັງບໍ່ທັນສະໂນດ 7.226 ກິໂລກັບ 149,111 ແມັດກ້ອນ.

ສະໜັບສະໜຸນໂດຍ: HONDA

  ກອງປະຊຸມຄັ້ງນີ້ຍັງໄດ້ປ່ອນບັດຄັດເລືອກເອົາຄະນະໜ່ວຍພັກຊຸດໃໝ່ຊຶ່ງມີຜູ້ສະໝັກທັງໝົດ 5 ສະຫາຍ, ເລືອກເອົາ3 ສະຫາຍກອງປະຊຸມຄັ້ງປະຖົມມະລຶກເຫັນດີເປັນເອກະພາບເລືອກເອົາສະຫາຍ ຄຳແກ້ວ ລັດຖະຍອດ ເປັນເລຂາໜ່ວຍພັກ, ສະຫາຍ ສອນໄຊ ພົມຫຼວງສີ ເປັນຮອງເລຂາ, ທັງເປັນປະທານກວດກາ ແລະສະຫາຍ ບຸນປອນຈັນທະລາດ ເປັນຄະນະກໍາມະການ.  

________________

ຂຽນໂດຍ: ມະນີວັນ  
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์