ເສດຖະກິດ-ສັງຄົມ

ດື່ມນໍ້າໝາກນາວກ່ອນນອນລອງເບິ່ງຈະດີຕໍ່ສຸຂະພາບ, ຊ່ວຍຫຼຸດນໍ້າໜັກ ແລະຍັງມີສັບພະຄຸນຫຼາຍໆຢ່າງຈົນເຮັດໃຫ້ເປັນກະແສດື່ມນໍ້າໝາກນາວກ່ອນນອນເພື່ອຫຼຸດນໍ້າໜັກ.

- ຊ່ວຍຂັບຖ່າຍສະດວກ: ດື່ມນໍ້າໝາກນາວ ປະສົມກັບນໍ້າອຸ່ນຈອກໃຫຍ່ທຸກຄືນ, ປະລິມານນໍ້າ ອຸ່ນທີ່ດື່ມຈະຊ່ວຍເພີ່ມຄວາມຄ່ອງຕົວໃຫ້ລຳໄສ້, ສ່ວນກົດ ແລະໄຟເບີໃນນໍ້າໝາກນາວຈະລ້າງສິ່ງ ຕົກຄ້າງໃນລຳໄສ້ໃຫ້ເຈົ້າຕື່ນເຊົ້າມາຖ່າຍສະດວກ.
- ກະຕຸ້ນພູມຄຸ້ມກັນ: ການດື່ມນໍ້າໝາກນາວທີ່ມີ ວິຕາມິນຊີສູງຈະຊ່ວຍກະຕຸ້ນການເຮັດວຽກຂອງ ລະບົບພູມຄຸ້ມກັນໄດ້ດີ, ວິຕາມິນຊີ ໃນຮູບລະລາຍໃນນໍ້າໝາກນາວຈະຈັບກັບເຊື້ອພະຍາດໃນກະແສເລືອດ ແລະຈະອອກມາພ້ອມກັບນໍ້າປັດສະວະ.

- ເຮັດໃຫ້ຜິວສົດໃສ: ວິຕາມິນຊີ ແລະສານ ຕ້ານອະນຸມູນອິດສະລະຕ່າງໆ ສາມາດຊ່ວຍຫຼຸດສິວ, ຜິວມັນເຮັດໃຫ້ຜິວສົດໃສ ແລະຊ່ວຍຂ້າແບັກທີເລຍ ຫຼາຍຊະນິດທີ່ເປັນສາເຫດເຮັດໃຫ້ເກີດສິວ, ຊ່ວຍໃຫ້ຜິວດີຈາກພາຍໃນສູ່ພາຍນອກ.