ພະແນກສາທາລະນະສຸກ ແຂວງຜົ້ງສາລີ ໄດ້ຈັດກອງປະຊຸມເຊື່ອມຊຶມຄຳສັ່ງຂອງກົມການເມືອງສູນກາງພັກວ່າດ້ວຍການຈັດຕັ້ງຜັນຂະຫຍາຍວາລະແຫ່ງຊາດໃຫ້ແກ່ພະນັກງານ-ລັດຖະກອນຂຶ້ນເມື່ອບໍ່ດົນມານີ້ທີ່ພະແນກດັ່ງກ່າວໂດຍການເປັນປະທານຂອງສະຫາຍ ບຸນສາລີ ຈິດດາພອນ ກຳມະການພັກແຂວງຫົວໜ້າພະແນກສາທາລະນະສຸກແຂວງພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ສະຫາຍ ບຸນສາລີ ຈິດດາພອນ ໄດ້ໃຫ້ກຽດເຜີຍແຜ່ເຊື່ອມຊຶມຄຳສັ່ງຂອງກົມການເມືອງສູນກາງພັກ ສະບັບເລກທີ 01/ກມສພ, ລົງວັນທີ 26 ກໍລະກົດ 2021 ວ່າດ້ວຍການເພີ່ມທະວີການຊີ້ນຳຂອງຄະນະພັກແຕ່ລະຂັ້ນໃນການຈັດຕັ້ງປະຕິບັດມາດຕະການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ, ຄຳສັ່ງເລກທີ 02/ກມສພລົງວັນທີ 26 ກໍລະກົດ 2021 ວ່າດ້ວຍການເພີ່ມທະວີການຊີ້ນຳ-ນຳພາຂອງຄະນະພັກແຕ່ລະຂັ້ນຕໍ່ການສະກັດກັ້ນ ແລະແກ້ໄຂບັນຫາຢາເສບຕິດຊຶ່ງການແກ້ໄຂຄວາມຫຍຸ້ງຍາກດ້ານເສດຖະກິດການເງິນແມ່ນຄວາມຮັບຜິດຊອບຂອງຄະນະພັກແຕ່ລະຂັ້ນພາຍໃຕ້ການຊີ້ນຳ-ນຳພາຂອງສະຫາຍເລຂາຄະນະພັກ ແລະມີທັດສະນະທ່າທີ່ຖືກຕ້ອງ ເດັດດຽວກ້າເບິ່ງບັນຫາຢ່າງຊື່ຕົງ ແລະແກ້ໄຂຢ່າງພາວະວິໄສໂດຍໃຊ້ມາດຕະການທີ່ເຂັ້ມງວດ, ເດັດຂາດຕິດພັນໂດຍກົງກັບການປັບປຸງພາຍໃນພັກ, ດ້ານການບໍລິຫານລັດ, ຕີຖອຍຜົນປະໂຫຍດຂອງບຸກຄົນ, ກຸ່ມກ້ອນທີ່ຂັດຂວາງການຖ່ວງດຶງການພັດທະນາ, ຕ້ອງຮັບປະກັນການແກ້ໄຂບັນຫາເສດຖະກິດການເງິນໃຫ້ຢູ່ບົນພື້ນຖານການຢຶດໝັ້ນຫຼັກການນຳພາຂອງພັກ, ເຄົາລົບກົດເກນພາວະວິໄສ ແລະໜັກແໜ້ນເປັນພິເສດ 3 ຫຼັກການຄື: ເດັດຂາດ, ໂປ່ງໃສ ແລະມີຫຼັກວິທະຍາສາດ, ສຳລັບການແກ້ໄຂບັນຫາຢາເສບຕິດຕ້ອງເຮັດໃຫ້ພະນັກງານທຸກຄົນ, ປະຊາຊົນ, ສະຖາບັນຄອບຄົວ, ບ້ານມີສ່ວນຮ່ວມເປັນເຈົ້າການຮ່ວມກັບພາກລັດ, ພາກເອກະຊົນເພື່ອເຂົ້າຮ່ວມສະກັດກັ້ນ ແລະແກ້ໄຂບັນຫາຢາເສບຕິດໃກ້ຊິດຕິດແທດເພື່ອຫາທາງອອກດ້ວຍຫຼາຍວິທີທີ່ເປັນລະບົບ ແລະຮັບປະກັນປະສິດທິຜົນຕິດພັນກັບການສະກັດກັ້ນການຜະລິດ, ການຂົນສົ່ງ ແລະຈຳໜ່າຍຢາເສບຕິດຢູ່ແຕ່ລະບ່ອນເພື່ອແກ້ໄຂບັນຫາຢາເສບຕິດໃຫ້ຫຼຸດໜ້ອຍຖອຍລົງເປັນກ້າວໆ.
ການຈັດຕັ້ງເຊື່ອມຊຶມໃນຄັ້ງນີ້ເພື່ອໃຫ້ພະນັກງານ-ລັດຖະກອນ ພາຍໃນພະແນກສາທາລະນະສຸກຮັບຮູ້ເຂົ້າໃຈເປັນເອກະພາບສູງຕໍ່ເນື້ອໃນຈິດໃຈ ແລະຄວາມຕັດສິນ ໃຈເດັດດ່ຽວຈັດຕັ້ງປະຕິບັດສອງວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະການສະກັດກັ້ນ ແລະແກ້ໄຂບັນຫາຢາເສບຕິດໃຫ້ໄດ້ຮັບຜົນດີ.
ຂ່າວ: ສົມຄິດ ແກ້ວນວນລາ
| ສະກຸນເງີນ | ອັດຕາຊື້ | ອັດຕາຂາຍ | |
|
EUR | 21.356 | 21.571 |
|
USD | 19.581 | 19.709 |
|
THB | 633 | 640 |
|
CNY | 2.713 | 2.740 |