ເທສະການອາຫານຝຣັ່ງ ຈະຈັດຂື້ນໄວໆນີ້

ເທສະການອາຫານຝຣັ່ງຢູ່ ສປປ ລາວ ຄັ້ງທີ 5 ຈະຈັດຂຶ້ນ ວັນທີ 15 ມີນາ 2019 ຢູ່ເຮືອນພັກທ່ານເອກອັກຄະລັດຊະທູດຝຣັ່ງ ນະຄອນຫຼວງວຽງຈັນ ໂດຍໄດ້ເຕົ້າໂຮມເອົາຮ້ານອາຫານຕ່າງໆ ແລະ ຜູ້ມັກປຸງແຕ່ງອາຫານເຂົ້າຮ່ວມເພື່ອສະເຫຼີມສະຫຼອງວັດທະນະ ທຳການປຸງແຕ່ງອາຫານແບບຝຣັ່ງທີ່ຖືກຮັບຮອງຈາກອົງການອຸຍແນັດໂກວ່າເປັນມໍລະດົກດ້ານວັດທະນະທຳ.

ສູນກາງສະຫະພັນແມ່ຍິງລາວ ຫວນຄືນມູນເຊື້ອ 8 ມີນາ

    ວັນແມ່ຍິງສາກົນ (8 ມີນາ 1910-8 ມີນາ 2019) ຄົບຮອບ 109 ປີ ເປັນເຫດການປະຫວັດສາດກ່ຽວກັບແມ່ຍິງທີ່ເກັ່ງກ້າຍອມເສຍສະຫຼະຊີວິດເລືອດ ເນື້ອຂອງຕົນເອງ,ເພື່ອທວງເອົາສິດທິຜົນປະໂຫຍດອັບຊອບທຳຂອງຊົນຊັ້ນກຳມະກອນ,ໂດຍໃນວັນທີ 7 ມີນາ ທີ່ສູນອົບຮົມແມ່ຍິງລາວ,ຄະນະບໍລິຫານສູນກາງສະຫະພັນແມ່ຍິງລາວໄດ້ຈັດພິທີສະເຫຼີມສະຫຼອງວັນດັ່ງກ່າວຂຶ້ນເພື່ອລະນຶກເຖິງປະຫວັດແຫ່ງການກໍາເນີດ ແລະເຕີບໃຫຍ່ຂະຫຍາຍຕົວຂອງວັນແມ່ຍິງສາກົນ.

ສະພາກາຊາດໄທ ມອບເຄື່ອງຊ່ວຍເຫຼືອ ໃຫ້ອົງການກາແດງລາວ

   ວັນທີ 5 ມີນາ 2019 ນະຄອນຫຼວງວຽງຈັນ ທີ່ອົງການກາແດງລາວໄດ້ຈັດພິທີມອບ-ຮັບເຄື່ອງຊ່ວຍເຫຼືອຈາກສະພາກາຊາດໄທ ຊຶ່ງໃຫ້ກຽດມອບໂດຍ ທ່ານ ພົນໂທ ດຣ ອຳນາດ ບາຫຼີ ຜູ້ອຳນວຍການສຳນັກງານບັນເທົາທຸກ, ສະພາກາຊາດໄທ ແລະ ກ່າວຮັບຂອງ ທ່ານ ດຣ ກາວີພອນ ສຸດທິ ຫົວໜ້າກອງຊ່ວຍເຫຼືອບັນເທົາທຸກອົງການກາແດງລາວ, ມີບັນດາອາສາສະໝັກ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ສ.ເກົາຫຼີ ສືບຕໍ່ຊ່ວຍເຫຼືອປະຊາຊົນ ເມືອງສະໜາມໄຊ

  ວັນທີ 5 ມີນາຜ່ານມາທີ່ນະຄອນຫຼວງວຽງຈັນ ທ່ານ ຊິນ ຊອງຊຸນ ເອກອັກຄະລາຊະທູດ ສ.ເກົາຫຼີ ປະຈຳລາວໄດ້ຈັດພິທີຖະແຫຼງຂ່າວກ່ຽວກັບການຊ່ວຍເຫຼືອຂອງລັດຖະບານ ສ.ເກົາຫຼີ ຕໍ່ເຫດການສັນເຂື່ອນກັ້ນນ້ຳແຕກເຂື່ອນເຊປຽນ-ເຊນ້ຳນ້ອຍ ຢູ່ເມືອງສະໜາມໄຊ ແຂວງອັດຕະປື, ໂດຍມີທ່ານ ແບັກຈູວອນ ຫົວ ໜ້າມູນນິທິສາທາລະນະສຸກ ສ.ເກົາຫຼີ (KOFIH), ທ່ານ ໂອຊອງຊູ ຫົວໜ້າອົງການ KOICA ປະຈໍາລາວ, ທ່ານ ນາງ ປັກມີໂຈ ອຸປະທູດ ທີ່ປຶກສາປະຈໍາສະຖານທູດ ສ.ເກົາຫຼີ ແລະພາກສ່ວນກ່ຽວຂ້ອງເຂົ້າຮ່ວມ.

2019 ສສງ ຫົວແຊຈະເລີນສຸກຈະສຸມໃສ່ຫຼາຍວຽກ ເພື່ອໃຫ້ບັນລຸຄາດໝາຍ

ເພື່ອເຮັດໃຫ້ແຜນງານການຈັດຕັ້ງປະຕິບັດວຽກງານການລະດົມເງິນຝາກ ແລະການໃຫ້ສິນເຊື່ອບັນລຸໄດ້ຄາດໝາຍທີ່ກໍານົດໄວ້ ສົກປີ 2019 ນີ້ ສະຫະກອນສິນເຊື່ອ ແລະເງິນຝາກປະຢັດຫົວແຊຈະເລີນຈະໄດ້ສຸມໃສ່ຫຼາຍໜ້າວຽກທີ່ສໍາຄັນໂດຍເນັ້ນການເພີ່ມຂະໜາດວົງເງິນກູ້ຂຶ້ນ ແລະ ໄລຍະເວລາຈາກ 12 ເດືອນມາເປັນ 18 ເດືອນ ເພື່ອຮັກສາສະມາຊິກເກົ່າທີ່ມີເງື່ອນໄຂປະຫວັດສິນເຊື່ອທີ່ດີ.

2018 ແຂວງສະຫວັນນະເຂດ ໄດ້ດຸນການຄ້າເກືອບ 3 ພັນຕື້ກີບ

  ໃນປີ 2018 ຜ່ານມານີ້, ເຖິງວ່າສະພາບການພັດທະນາເສດຖະກິດ-ສັງ ຄົມຂອງແຂວງສະຫວັນນະເຂດຈະພົບກັບຄວາມຫຍຸ້ງຍາກສັບສົນຫຼາຍປະການ, ແຕ່ດ້ວຍຄວາມເອົາໃຈໃສ່ຢ່າງຕັ້ງໜ້າໃນການຊຸກຍູ້ການຜະລິດເປັນສິນຄ້າໃຫ້ນັບມື້ນັບຫຼາຍຂຶ້ນຕາມແນວທາງນະໂຍບາຍຂອງພັກ ແລະ ລັດເຮັດໃຫ້ໃນປີ 2018ນີ້, ແຂວງສະຫວັນນະເຂດ ປະສົບຜົນສຳເລັດໃນວຽກງານການຄ້າໂດຍແຂວງໄດ້ດຸນການຄ້າຫຼາຍກວ່າ 357 ລ້ານໂດລາ ປະມານ 2,98 ພັນຕື້ກີບ.

ເປີດການນໍາໃຊ້ ໂຮງໝໍມິດຕະພາບຫລັງໃຫມ່ ພາກຂະຫຍາຍ 308 ຕຽງ

ພິທີເປີດການນຳໃຊ້ໂຮງໝໍມິດຕະພາບຫຼັງໃໝ່-ພາກຂະຫຍາຍ (308ຕຽງ) ຢູ່ທີ່ໂຮງໝໍມິດຕະພາບ150 ຕຽງ ນະຄອນຫລວງວຽງຈັນ ໄດ້ຈັດຂຶ້ນໃນວັນທີ 4 ມີນານີ້, ພາຍຫຼັງໄດ້ດຳເນີນການກໍ່ສ້າງມາແຕ່ເດືອນກໍລະກົດ 2015 ແລະ ສຳເລັດໃນວັນທີ 28 ຕຸລາ 2018.

ຊົມຊົນມີລາຍໄດ້ ແລະເປັນເຈົ້າການປະຕິບັດໂຄງການ ທລຍ

   ບ້ານກາເລັງ ເມືອງສະໝ້ວຍ ແຂວງສາລະວັນ ເປັນບ້ານໜຶ່ງທີ່ໄດ້ຮັບການສົ່ງເສີມຄວາມເປັນເຈົ້າການໃນການຈັດຕັ້ງປະຕິບັດໂຄງການຍ່ອຍຂອງກອງທຶນຫຼຸດຜ່ອນຄວາມທຸກຍາກໂດຍຊຸມຊົນຈັດຕັ້ງປະຕິບັດເອງ. ພາຍໃນບ້ານມີພົນລະເມືອງທັງໝົດ 312 ຄົນ,ຍິງ 143 ຄົນ, ມີ 60 ຄອບຄົວ, ໃນນັ້ນຄອບຄົວທຸກຍາກທີ່ສຸດມີ 25 ຄອບຄົວ, ທຸກ 25 ຄອບຄົວ, ປານກາງ 9 ຄອບຄົວ ແລະຮັ່ງມີ 1 ຄອບຄົວ. 

ວຽງຈັນຟິດເນັດ ສູນລວມເຄື່ອງອອກກຳລັງກາຍ

   ວັນທີ 2 ມີນາຜ່ານມາທີ່ບ້ານນາ ຄຳເມືອງສີໂຄດຕະບອງ ໄດ້ມີພິທີເປີດບໍລິສັດໃໝ່ບໍລິສັດວຽງຈັນຟິດເນັດ (ວີ-ຟິດເນັດ) ຂາອອກ-ຂາເຂົ້າຈຳກັດ ຈຳໜ່າຍເຄື່ອງອອກກຳລັງກາຍຄົບວົງຈອນທີ່ໃຫຍ່ທີ່ສຸດໃນລາວໂດຍໃຫ້ກຽດເຂົ້າຮ່ວມຂອງທ່ານ ບົວລານ ສີລິປັນຍາ ຮອງລັດຖະມົນຕີກະຊວງສຶກສາທິການ ແລະ ກີລາ, ທ່ານ ສະຖາພອນ ພິຈິດ ປະທານບໍລິສັດວຽງຈັນຟິດເນັດ (ວີ-ຟິດເນັດ) ຂາອອກ-ຂາເຂົ້າຈຳກັດ,  ມີບັນດາພາກສ່ວນທີ່ກ່ຽວຂ້ອງເຂົ້າຮ່ວມ.

ດາຣາພົງ ກັບແນວຄວາມຄິດໃໝ່ໃນການດຳເນີນທຸລະກິດຍຸກປະຈຸບັນ

  ແນ່ນອນແມ່ຍິງຫຼາຍໆຄົນອາດເຄີຍຄິດວ່າການເຮັດທຸລະກິດ ແລະການເບິ່ງແຍງຄອບຄົວໄປນຳເປັນສິ່ງທີ່ຫຍຸ້ງຍາກ ແລະທ້າທາຍສົມຄວນຊຶ່ງໃນຄວາມເປັນຈິງກໍນັບວ່າຫຍຸ້ງຍາກ ແລະຈະເຮັດແນວໃດໃຫ້ວຽກທີ່ຫຍຸ້ງຍາກນັ້ນກາຍເປັນເລື່ອງງ່າຍ, ໂດຍວິທີຮັບມືຄືການປັບທັດສະນະຄະຕິໃຫ້ເຂົ້າກັບວຽກ, ພ້ອມທັງເບິ່ງວ່າເປັນຄວາມທ້າທາຍເພື່ອທົດສອບຄວາມເຂັ້ມແຂງ ແລະຄວາມສາມາດຂອງເຮົາ, ນີ້ແມ່ນທັດສະນະຂອງທ່ານ ນາງ ດາຣາພົງ ຍຸຕິທຳ ນັກທຸລະກິດຍິງຜູ້ຫຼາກຫຼາຍຄວາມສາມາດເບິ່ງເຫັນໄດ້ໃນການເຮັດທຸລະກິດໃນປະຈຸບັນ.