ຟິນູແຄບພັດສ໌ ຕອບໂຈດເພີ່ມນ້ຳນົມແມ່ 5 ເທົ່າ

 (ນສພ ເສດຖະກິດ-ສັງຄົມ)

 ນໍ້ານົມແມ່ແມ່ນອາຫານທີ່ດີສຸດສໍາລັບເດັກມີຄຸນປະໂຫຍດມະຫາສານເຮັດໃຫ້ເດັກສຸຂະພາບແຂງແຮງມີໂພສະນາການດີມີການຈະເລີນເຕີບໂຕການພັດທະນາຮ່າງກາຍ ແລະສະໝອງດີເຮັດໃຫ້ເດັກສະຫຼາດຮຽນຮູ້ໄດ້ໄວເພາະວ່ານົມແມ່ມີສານອາຫານຄົບຖ້ວນ ແລະ ຊ່ວຍປົກປ້ອງເດັກຈາກພະຍາດຊືມເຊື້ອຈາກເຫັນໄດ້ເຖິງຄຸນປະໂຫຍດດັ່ງກ່າວທາງບໍລິສັດໄຊໂຢ ການຄ້າ ຈຳກັດ

ກວຕ ສ້າງຄວາມເຂັ້ມແຂງ ວຽກຊັບສິນທາງປັນຍາຢູ່ແຂວງບໍລິຄຳໄຊ

ຂ່າວ: ນໍ້າເໝີຍ

      ຫວ່າງບໍ່ດົນມານີ້ກົມຊັບສິນທາງປັນຍາ, ກະຊວງວິທະຍາສາດ ແລະເຕັກໂນໂລຊີ (ກວຕ) ຮ່ວມກັບພະແນກວິທະຍາສາດ ແລະເຕັກໂນໂລຊີ (ພວຕ) ແຂວງບໍລິຄຳໄຊ ຈັດກອງປະຊຸມເຜີຍແຜ່ ແລະສ້າງຄວາມເຂັ້ມແຂງວຽກງານຊັບສິນທາງປັນຍາໃຫ້ແກ່ຂະແໜງການທ້ອງຖິ່ນ ແລະຜູ້ປະກອບການ ຢູ່ຫ້ອງປະຊຸມຫ້ອງວ່າການປົກຄອງແຂວງບໍລິຄຳໄຊ ໂດຍໃຫ້ກຽດເປັນປະທານຮ່ວມຂອງທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ  ແລະ ທ່ານ ແດນປີ ມູນທະດີ ຮອງເລຂາພັກແຂວງ, ຫົວໜ້າຄະນະຈັດຕັ້ງແຂວງບໍລິຄໍາໄຊ.

ຮອງປະທານສະພາແຫ່ງຊາດຢ້ຽມຢາມປະຊາຊົນເມືອງນາກາຍ

ຂ່າວ: ແດງສະຫວັດ ແສນພານິດ

  ໃນວັນທີ 16 ມັງກອນ 2019 ເປັນມື້ທີສອງຂອງການດໍາເນີນກອງປະຊຸມສະໄໝສາມັນເທື່ອທີ 06 ຂອງສະພາປະຊາຊົນ ແຂວງຄໍາມ່ວນ ທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດໄດ້ຈັດສັນເວລາດັ່ງກ່າວລົງໄປເຄື່ອນໄຫວພົບປະຢ້ຽມຢາມພໍ່ແມ່ປະຊາຊົນເມືອງນາກາຍໂດຍໄດ້ເຄື່ອນໄຫວຢູ່ 2 ຈຸ ດຄື : ບ້ານອຸດົມສຸກ ແລະບ້ານດອນຈະເລີນ. ສ່ວນຄະນະທີ່ຮ່ວມເຄື່ອນໄຫວພົບປະໂອ້ລົມປະຊາຊົນປະກອບມີທ່ານ ບຸນມີ ພິມມະສອນ ຮອງເຈົ້າແຂວງໆຄໍາມ່ວນ (ຜູ້ຊີ້ນໍາວຽກງານເສດຖະກິດ), ທ່ານ ອວນມາ ຂັນຕິຍະວົງ ຮອງປະທານສະພາປະຊາຊົນແຂວງພ້ອມດ້ວຍພະນັກງານວິຊາການທີ່ກ່ຽວຂ້ອງໂດຍການເປັນກຽດຕ້ອນຮັບຂອງ ທ່ານ ຄໍາໝັ້ນ ອິນທະວົງ ປະທານກວດກາພັກ-ລັດເມືອງພ້ອມດ້ວຍອໍານາດການປົກຄອງບ້ານ ແລະ ປະຊາຊົນພາຍໃນສອງບ້ານດັ່ງກ່າວ .

ສສຊ ເຂດເລືອກຕັ້ງ 15 ປະຊຸມປະຈຳປີ

ຂ່າວ: ໂພທິຣາຊ

 ວັນທີ 22 ມັງກອນ 2019 ກອງປະຊຸມປະຈໍາປີ 2018 ຂອງສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 15 ແຂວງຈໍາປາສັກໄດ້ເປີດຂຶ້ນທີ່ນະຄອນປາກເຊ ແຂວງຈໍາປາສັກ, ໂດຍການເປັນປະທານຂອງທ່ານ ເມກສະຫວັນ ພົມພິທັກ ປະທານຄະນະສະມາຊິກສະພາແຫ່ງຊາດເຂດເລືອກຕັ້ງທີ 15 ແຂວງຈໍາປາສັກ, ໂດຍການເຂົ້າຮ່ວມຂອງທ່ານ ບຸນຖອງ ດີວິໄຊ ເຈົ້າແຂວງໆຈໍາປາສັກ, ມີບັນດາທ່ານຄະນະສະມາຊິກສະພາແຫ່ງຊາດເຂດເລືອກຕັ້ງທີ15 ເຂົ້າຮ່ວມພ້ອມດ້ວຍບັນດາທ່ານ ແຂກຜູ້ແທນທີ່ກ່ຽວຂ້ອງເຂົ້າຮ່ວມ.

ວິສາທອນ ຜູ້ໂຊກດີຮັບລົດຟອດ

     ທ່ານ ວິສາທອນ ນົງວໍຣະຣາດ ກາຍເປັນຜູ້ໂຊກດີປະຈຳ ປີ 2019 ທີ່ໄດ້ຮັບລາງວັນລົດຟອດ ແຣງເຈີ ເອັກແອວ 1 ຄັນ ຈາກບໍລິສັດ ລາວ ຟອດ ຊິຕີ ຕົວ ແທນຈຳໜ່າຍລົດຟອດປະຈຳ ສປປ ລາວ ຈາກງານຈັບສະຫຼາກຄືນກຳໄລໃຫ້ກັບລູກຄ້າທີ່ ໄວ້ວາງໃຈໃນການຊົມໃຊ້ລົດຟອດນອກ ນັ້ນຍັງມີລາງວັນລົດຟອດອີໂຄສະປອດ ຫຼື “Ecosport” ແລະລາງວັນອື່ນໆອີກຫຼາກຫຼາຍ.

ຈັບຕົວເປົ້າໝາຍລັກຊັບ

(ນສພ ເສດຖະກິດ-ສັງຄົມ)

ພາຍຫຼັງເຈົ້າໜ້າທີ່ໜ່ວຍງານວິຊາສະເພາະຄະດີອາຍາ ປກສ ເມືອງໂພນໂຮງ ແຂວງວຽງຈັນ ໄດ້ຮັບແຈ້ງຄວາມຈາກຜູ້ເສຍຫາຍໃນຄັ້ງວັນທີ 20 ພະຈິກ 2018 ວ່າຜ່ານມາໄດ້ມີຄົນບໍ່ດີຈຳນວນໜື່ງເຄື່ອນໄຫວລັກຊັບຢູ່ທີ່ເຮືອນຂອງຜູ້ຖືກເສຍຫາຍຈາກນັ້ນເຈົ້າໜ້າທີ່ຕຳຫຼວດກອງບັນຊາການ ປກສ ເມືອງໂພນໂຮງ ຈິ່ງລົງກວດກາສະຖານທີ່ດັ່ງກ່າວພ້ອມທັງຂຶ້ນເປົ້າໝາຍ ແລະຕິດຕາມເປົ້າໝາຍໃນທີ່ສຸດກໍ່ສາມາດຈັບຕົວເປົ້າໝາຍໄດ້ 1 ຄົນຄື: ທ້າວ ພັດທະນາ ອາຍຸ 23 ປີ ວ່າງງານຢູ່ບ້ານນາໂພໃຕ້ ເມືອງໂພນໂຮງ ກັກຕົວຄັ້ງວັນທີ 22 ພະຈິກ 2018 ຜ່ານມາໃນຂໍ້ກ່າວຫາລັກຊັບພົນລະເມືອງມາດຳເນີນການສືບ ສວນ-ສອບ ສວນ.

ກິນຊີ້ນງົວເຮືອນດີ ຕົ້ນເຫດຖອກທ້ອງ 61 ຄົນ ທີີ່ເມືອງຈຳພອນ

   ຕາມການລາຍງານຂອງ ທ່ານ ນາງ ສີພະຈັນ ດວງມີໄຊ ຫົວໜ້າໜ່ວຍງານລະບາດວິທະຍາ, ຫ້ອງການສາທາລະນະສຸກເມືອງຈໍາພອນໃຫ້ຮູ້ວ່າ: ເມື່ອບໍ່ດົນມານີ້, ເກີດເຫດມີປະຊາຊົນຈຳນວນໜຶ່ງຂອງບ້ານຄໍ້ທີ່ຂຶ້ນກັບເຂດຂາມເຖົ້າ ເມືອງຈໍາພອນ ແຂວງສະຫວັນນະເຂດ ມີອາການເຈັບທ້ອງ ແລະປວດຮາກຢ່າງຮຸນແຮງພາຍຫຼັງທີ່ໄດ້ພາກັນບໍລິໂພກຊີ້ນງົວທີ່ຂ້າເພື່ອປະກອບເປັນອາຫານໃນງານຊາປະນະກິດສົບປະຊາຊົນຜູ້ໜຶ່ງພາຍໃນບ້ານດັ່ງກ່າວ.

ປະຊາຊົນ ອຸດົມໄຊ ຜ່າຕັດຄໍໜຽງຟຣີ

ຂ່າວ: ຄານມະນີ ຮຽນດໍຈັນ

   ໃນລະຫວ່າງວັນທີ 16-18 ມັງກອນ 2019 ນີ້ ປະຊາຊົນຜູ້ທີ່ເປັນພະຍາດຄໍໜຽງທົ່ວແຂວງອຸດົມໄຊໄດ້ພ້ອມ ກັນເຂົ້າຮັບການຜ່າຕັດຢູ່ທີ່ໂຮງໝໍແຂວງ ອຸດົມໄຊ ໂດຍມີຊ່ຽວຊານການຜ່າຕັດມາຈາກປະເທດຍີ່ປຸ່ນກໍຄືອົງການເຈແປນຮາດທີ່ໃຫ້ການຊ່ວຍເຫຼືອ ແລະຜ່າຕັດໃຫ້ໂດຍບໍ່ໄດ້ເສຍຄ່າ.

ດວງພະສຸກ ປະກອບສ່ວນຫຼາຍໂຄງການສຳຄັນຂອງກອງທັບ

(ນສພ ເສດຖະກິດ-ສັງຄົມ)

   ບໍລິສັດດວງພະສຸກກໍ່ສ້າງສ້ອມແປງຂົວທາງເຄຫາສະຖານ ແລະຊົນລະປະທານຈຳກັດຜູ້ດຽວຊຶ່ງຕະຫຼອດໄລຍະດໍາເນີນທຸລະກິດ 9 ປີຜ່ານມາໄດ້ປະກອບສ່ວນຊ່ວຍກະຊວງປ້ອງກັນປະເທດສ້າງສາພັດທະນາໂຄງການອະນຸສະຖານທີ່ສໍາຄັນທາງປະຫວັດສາດຂອງກອງທັບຫຼາຍໂຄງການທີ່ສໍາຄັນທາງປະຫວັດສາດພ້ອມນັ້ນ ຍັງປະກອບສ່ວນເປັນທຶນໃຫ້ແກ່ກອງທັບ ແລະສັງຄົມເກືອບ 4 ຕື້ກີບ.

ກາແດງບໍລິຄຳໄຊທົບທວນວຽກປະຈຳປີ

ຂ່າວ: ວົງມະນີ

   ວັນທີ 11 ມັງກອນ 2019 ອົງການກາແດງແຂວງບໍລິຄຳໄຊ ໄດ້ຈັດກອງປະຊຸມສະຫຼຸບວຽກງານປະຈຳປີ 2018 ແລະວາງທິດທາງປີ 2019 ທີ່ຫ້ອງປະຊຸມໃຫຍ່ຫ້ອງວ່າການແຂວງບໍລິຄຳໄຊ ໂດຍການເປັນປະທານຂອງທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ, ທ່ານ ບຸນເສັງ ປະຖຳມະວົງ ຮອງເຈົ້າແຂວງທັງເປັນປະທານກາແດງແຂວງບໍລິຄຳໄຊ ແລະເຂົ້າຮ່ວມມີ ທ່ານ ບຸນຍົງ ປັນຍານຸວົງ ຮອງຫົວໜ້າອົງການກາແດງແຂວງ, ທ່ານ ນາງ ໂສພາ ຈັນທະວົງ ຫົວໜ້າຫ້ອງການກາແດງແຂວງ ແລະ ພະແນກການຕ່າງໆເຂົ້າຮ່ວມ.