ນາຍຈ້າງຈະອອກຄ່າໃຊ້ຈ່າຍໃຫ້ແຮງງານລາວທີ່ເດີນທາງໄປເຮັດວຽກຢູ່ໄທ

ລາວ-ໄທ ເປັນເອກະພາບກ່ຽວກັບຄ່າໃຊ້ຈ່າຍ ສຳລັບຜູ້ທີ່ຈະເດີນທາງໄປເຮັດວຽກຢູ່ປະເທດໄທ ໄລຍະໂຄວິດ-19 ລະບາດ ໂດຍລັດຖະບານສອງຝ່າຍ ໄດ້ເຫັນດີເປັນເອກະພາບກ່ຽວກັບຄ່າໃຊ້ຈ່າຍຕ່າງໆ ຂອງຜູ້ອອກ ແຮງງານລາວ ທີ່ຈະເດີນທາງໄປເຮັດວຽກຢູ່ປະເທດໄທ, ຊຶ່ງໄດ້ມີການລະບຸໃຫ້ນາຍຈ້າງຮັບຜິດຊອບຄ່າກວດໂຄວິດ ຄ່າກັກຕົວ ແລະ ຄ່າຈັດສົ່ງ.

ສຳເລັດກອງປະຊຸມຄົບຄະນະບໍລິຫານງານ ທຫລ ສະໄໝທີ IV 2021

ຄະນະພັກທະນາຄານແຫ່ງ ສປປ ລາວ (ທຫລ) ໄດ້ດໍາເນີນກອງປະຊຸມຄົບຄະນະບໍລິຫານງານພັກ ທຫລ ສະໄໝທີ IV ປະຈຳ​ປີ 2021, ວາລະສໍາຄັນນີ້ ຈັດຂຶ້ນໃນລະຫວ່າງວັນທີ 11-12 ມັງກອນ 2022  ພາຍ​ໃຕ້​ການ​ເປັນ​ປະທານ​ຂອງ ສະຫາຍ ສອນ​ໄຊ ສິດ​ພະ​ໄຊ ກຳມະການ​ສູ​ນກາງ​ພັກ, ​ເລຂາ​ຄະນະ​ພັກ-ຜູ້​ວ່າການ ທຫລ, ມີ​ບັນດາ​ສະຫາຍຄະນະ​ປະຈຳ​ພັກ-ຄະນະ​ພັກ ທຫລ, ຜູ້​ຊ່ວຍ​ຄະນະ​ຜູ້​ວ່າການ, ​ເລຂາ​ໜ່ວຍ​ພັກ-​ເລຂາຄະນະພັກ​ຮາກ​ຖານ ​ແລະ ຫົວໜ້າ​ສາຂາ ທຫລ ປະຈຳ​ພາກ ​ເຂົ້າ​ຮ່ວມ​ຢ່າງ​ພ້ອມພຽງ.

ພັນລະຍາປະທານປະເທດ ຢ້ຽມຢາມສູນໃຫ້ຄໍາປຶກສາ ແລະ ຝຶກອົບຮົມວິຊາຊີບ ທີ່ຈຳປາສັກ

ທ່ານ ນາງ ນາລີ ສີສຸລິດ ພັນລະຍາຂອງທ່ານປະທານປະເທດ ແຫ່ງ ສປປ ລາວ, ພ້ອມດ້ວຍບັນດາຄອບຄົວການນຳຂັ້ນສູນກາງ, ໄດ້ເຄື່ອນໄຫວຢ້ຽມຢາມສູນໃຫ້ຄໍາປຶກສາ ແລະ ຝຶກອົບຮົມວິຊາຊີບໃຫ້ແກ່ແມ່ຍິງຂອງສະຫະພັນແມ່ຍິງແຂວງ ທີ່ເມືອງໂພນທອງ ແຂວງຈຳປາສັກ, ໂດຍມີ ທ່ານ ວິໄລວົງ ບຸດດາຄໍາ ເຈົ້າແຂວງຈຳປາສັກ ພ້ອມດ້ວຍພັນລະຍາ ແລະ ຄະນະ ຮ່ວມຕິດຕາມດ້ວຍ.

ສາລະວັນ ເລັ່ງຟື້ນຟູການທ່ອງທ່ຽວ

ທ່ານ ໂພໄຊ ໄຊຍະສອນ ເຈົ້າແຂວງສາລະວັນ ໄດ້ໃຫ້ທິດຊີ້ນຳຂະແໜງການທ່ອງທ່ຽວຂອງແຂວງ ຈົ່ງອອກແຮງພັດທະນາແຫຼ່ງທ່ອງທ່ຽວເພື່ອຮອງຮັບກິດຈະກຳຕ່າງໆ,  ພ້ອມປັບປຸງພື້ນຖານໂຄງລ່າງ, ສ້າງສິ່ງອຳນວຍຄວາມສະດວກ, ສ້າງກິດຈະກຳທ່ອງທ່ຽວໃຫ້ມີຫຼາຍສີສັນ

ພຽງວັນດຽວ ອະເມຣິກາ ຕິດໂຄວິດ 1,13 ລ້ານຄົນ

ລາຍງານຂ່າວຕ່າງປະເທດໃນວັນທີ 11 ມັງກອນ 2022 ຊີ້ວ່າ ປະຊາກອນຂອງສະຫະລັດອະເມຣິກາ ຢ່າງໜ້ອຍ 1,13 ລ້ານຄົນ ຕິດເຊື້ອໂຄວິດ-19 ເມື່ອວັນທີ 10 ມັງກອນ, ຊຶ່ງຖືເປັນຕົວເລກການຕິດເຊື້ອໃນປະເທດດຽວສູງທີ່ສຸດໃນໜຶ່ງວັນຂອງໂລກ ທີ່ບໍ່ເຄີຍເກີດຂຶ້ນມາກ່ອນ.

ແກ້ບັນຫາສົ່ງອອກສິນຄ້າລາວໄປຈີນ ຂະຫຍາຍເວລາ ຜ່ານດ່ານສາກົນ ບໍ່ຫານ ຊົ່ວຄາວ

ຄະນະກຳມະການບໍລິຫານເຂດຮ່ວມມືເສດຖະກິດ ບໍ່ຫານ ສປ ຈີນ-ບໍ່ເຕັນ ສປປ ລາວ ອອກແຈ້ງການ ເພື່ອຂະຫຍາຍເວລາໃນການຜ່ານດ່ານສາກົນ ບໍ່ຫານ ສປ ຈີນ ຊົ່ວຄາວ ຊຶ່ງເລີ່ມປະຕິບັດນັບແຕ່ມື້ອອກແຈ້ງການເປັນຕົ້ນໄປ.

ໄຂ້ຫວັດທຳມະດາ ພູມຄຸ້ມກັນໃໝ່ ໄຂທາງສູ່ວັຄຊີນສູດສອງ

ເມື່ອໄຂ້ຫວັດທຳມະດາ ສາມາດຕໍ່ສູ້ໂຄວິດ-19 ໄດ້, ຈາກຂໍ້ມູນດັ່ງກ່າວ ຈິ່ງກໍ່ເກີດຄວາມຫວັງໃໝ່ໃຫ້ເຫຼົ່ານັກວິຊາການທີ່ໄດ້ຄົ້ນພົບ ທີ-ເຊລລ໌ (T-cells) ຊຶ່ງຈະເປັນດອກກຸນແຈສຳຄັນທີ່ຈະນຳໄປສູ່ການຜະລິດວັຄຊີນສູດສອງ.

ລາວ-ຫວຽດນາມ ລົງນາມໃນສັນຍາສ້າງສູນຝຶກອົບຮົມຊາວໜຸ່ມ

ເພື່ອສຶກສາອົບຮົມຊາວໜຸ່ມ ​ເຍົາວະຊົນ ສອງຊາດ (ລາວ-ຫວຽດນາມ) ໃຫ້ມີຄວາມຮັບຜິດ ຊອບໃນພາລະກິດສືບທອດ ແລະ​ ກໍ່ສ້າງສາຍພົວພັນແບບພິເສດຂອງສອງປະເທດໃຫ້ໝັ້ນຄົງ ແລະ​ ສວຍສົດງົດງາມ,​ ດັ່ງນັ້ນ ໃນການເຂົ້າຮ່ວມກອງປະຊຸມຄັ້ງທີ 44 ຂອງຄະນະກໍາມາທິການຮ່ວມມື ລາວ-ຫວຽດນາມ​ ໂດຍທັງສອງຝ່າຍຈິ່ງເຫັນດີລົງນາມໃນສັນຍາຮ່ວມມືປະຕິບັດໂຄງການກໍ່ສ້າງສູນຝຶກອົບຮົມຊາວໜຸ່ມ,​ ເຍົາວະຊົນ ລາວ-ຫວຽດນາມ ທີ່ນະຄອນຫຼວງວຽງຈັນ ສປປ​ ລາວ ໂດຍໄດ້ຮັບທຶນຊ່ວຍເຫຼືອຈາກລັດຖະບານ ສສ ຫວຽດນາມ​.

ຫຼາຍກວ່າ 70% ຂອງປະຊາກອນລາວ ຕ້ອງໄດ້ສັກວັຄຊີນພາຍໃນປີນີ້

ລັດຖະບານ ກໍຄືກະຊວງສາທາລະນະສຸກ, ເລັ່ງໃສ່ວຽກງານປ້ອງກັນສຸຂະພາບມວນຊົນເປັນຫຼັກ ໂດຍການຈັດຫາວັຄຊີນປ້ອງກັນໂຄວິດ-19 ມາສັກໃຫ້ປະຊາຊົນເພື່ອສ້າງພູມຄຸ້ມກັນໝູ່ ແນໃສ່ຫຼຸດຜ່ອນຜົນກະທົບທີ່ຮຸນແຮງຫາກເກີດກໍລະນີຕິດເຊື້ອ ຊຶ່ງຕັ້ງເປົ້າໃຫ້ປະຊາຊົນເຂົ້າເຖິງບໍລິການສັກວັຄຊີນໃຫ້ບັນລຸ 70% ຂຶ້ນໄປພາຍໃນປີນີ້.

ສພຊ ທາບທາມກົດໝາຍແກ້ໄຂຄຳຮ້ອງທຸກ

ສະພາແຫ່ງຊາດ (ສພຊ) ໄດ້ຈັດກອງປະຊຸມທາບທາມກົດໝາຍວ່າດ້ວຍການແກ້ໄຂຄຳຮ້ອງທຸກ (ໃນຮູບແບບທາງໄກ) ຂຶ້ນ ເມື່ອວັນທີ 6 ມັງກອນຜ່ານມາ ທີ່ສະພາແຫ່ງຊາດ ໂດຍການເປັນ ປະທານຂອງທ່ານ ຄຳແພງ ວິລະພັນ ປະທານກຳມາທິການຍຸຕິທຳ ສະພາແຫ່ງຊາດ, ມີຮອງປະທານ ກຳມາທິການຍຸຕິທຳ, ປະທານ-ຮອງປະທານຄະນະສະມາຊິກສະ ພາແຫ່ງຊາດປະຈໍາແຕ່ລະເຂດ ເລືອກຕັ້ງ, ສະມາຊິກສະພາແຫ່ງ ຊາດ, ສະມາຊິກສະພາປະຊາຊົນ ແຂວງ, ຄະນະຮັບຜິດຊອບປັບປຸງ ກົດໝາຍວ່າດ້ວຍການແກ້ໄຂຄໍາ ຮ້ອງທຸກເຂົ້າຮ່ວມ.