ຣາຊ-ລາວ ເຂົ້າຊື້ຫຸ້ນເອເຊຍ ວໍເຕີ ຜູ້ດຳເນີນໂຄງການຜະລິດນ້ຳປະປາແສນດິນ

   (ໜັງສືພິມເສດຖະກິດ-ສັງຄົມ)

     ເມື່ອວັນທີ 19 ທັນວາ 2018 ບໍລິສັດ ຣາຊ-ລາວ ບໍລິການ ຈຳກັດ ຊຶ່ງເປັນບໍລິສັດຍ່ອຍຂອງບໍລິສັດຜະລິດໄຟຟ້າ ຣາຊບູລີໂຮນດິງ ຈຳ ກັດ (ມະຫາຊົນ) (ຜູ້ຊື້) ແລະ ບໍລິສັດ ເອເຊຍລົງ ທຶນພັດທະນາ ແລະ ກໍ່ສ້າງ ຈຳກັດຜູ້ດຽວ ຜູ້ຖືຫຸ້ນເດີມ (ຜູ້ຂາຍ) ໄດ້ລົງນາມສັນຍາລະ ຫວ່າງຜູ້ຖືຫຸ້ນ ແລະ ສັນຍາຊື້ຂາຍຫຸ້ນສາມັນຂອງບໍລິສັດ ເອເຊຍ ວໍເຕີ ຈຳກັດຜູ້ດຽວຜູ້ດຳເນີນໂຄງການຜະລິດນໍ້າປະປາແສນດິນໃນລາວ (ໂຄງການ) ໃນສັດສ່ວນຮ້ອຍລະ 40 ຂອງທຶນຈົດທະບຽນຫຼືຄິດເປັນຫຸ້ນສາມັນຈຳນວນ 4,8 ລ້ານຫຸ້ນ.

ໃຊ້ງົບ 22,7 ຕື້ກີບ ສ້າງອາຄານໃໝ່ພະແນກແຜນການແຂວງອຸດົມໄຊ

ຂ່າວ: ໄມພອນ 

    ໂຄງການກໍ່ສ້າງອາຄານພະແນກແຜນການ, ການລົງທຶນ ແລະສູນສະຖິຕິປະຈຳແຂວງອຸດົມໄຊຫຼັງໃໝ່ພາຍຫຼັງກໍ່ສ້າງມາເປັນເວລາ 4 ປີ ປະຈຸບັນສຳເລັດ ແລະ ກໍໄດ້ຈັດພິທີມອບ-ຮັບ ພ້ອມເປີດນຳໃຊ້ຢ່າງເປັນທາງການໃນອາທິດຜ່ານມາ. ໂດຍເຂົ້າຮ່ວມມີທ່ານ ຄຳພັນ ເຜີຍຍະວົງ ເຈົ້າແຂວງອຸດົມໄຊ, ທ່ານ ອ່ອນແກ້ວ ອຸ່ນອາລົມ ຫົວໜ້າພະແນກແຜນການ ແລະການລົງທຶນແຂວງ. ມີບັນດາການນຳຂອງແຂວງ, ພະແນກການພ້ອມດ້ວຍພະນັກງານພາຍໃນພະແນກດັ່ງກ່າວເຂົ້າຮ່ວມ. 

2018 ລາຍຮັບໄຊຍະບໍ່ເຖິງແຜນໝົດປີເກັບໄດ້ 92,05ເປີເຊັນ

ຂ່າວ: ບຸນທີ   

    ປີ 2018 ຜ່ານມາ ແຂວງໄຊຍະບູລີ ສາມາດຈັດເກັບລາຍຮັບໄດ້ທັງໝົດ 796 ຕື້ກວ່າກີບ ເທົ່າກັບ 92,05% ຂອງແຜນການປີ, ທຽບໃສໄລຍະດຽວກັນຂອງປີກ່ອນລື່ນ 28,92% ໃນນັ້ນລາຍຮັບພາຍໃນປະຕິບັດໄດ້ 218,92 ຕື້ກີບ, ເທົ່າກັບ 82,23% ຂອງແຜນການປີ ສ່ວນລາຍຮັບພາສີພູດສູນກາງປະຕິບັດໄດ້ 577,08 ຕື້ກີບ ເທົ່າກັບ 96,42% ຂອງແຜນການປີ.

ໂຮມເຂດເສດຖະກິດພິດເສດສະຫວັນ-ເຊໂນ ແລະ ເຂດການຄ້າຊາຍແດນ ບ້ານແດນ-ສະຫວັນ

 (ໜັງສືພິມເສດຖະກິດ-ສັງຄົມ)

       ວັນທີ 31 ທັນວາ 2018 ນີ້, ທີ່ຫ້ອງປະຊຸມຂອງເຂດເສດຖະກິດພິເສດສະຫວັນ-ເຊໂນ ໄດ້ຈັດພິທີປະກາດໂຮມເຂດເສດຖະກິດພິເສດສະ ຫວັນ-ເຊໂນ ແລະ ເຂດການຄ້າຊາຍແດນ-ບ້ານແດນ ສະຫວັນ

ມີເດຍ ສະຫຼອງຄົບຮອບ 50 ປີ

ຂ່າວ: ກິ່ງລັດຕະນະ 

    ບໍລິສັດ ມີເດຍ ເປັນບໍລິສັດທີ່ຜະລິດ ແລະຈໍາໜ່າຍສິນຄ້າກຸ່ມອຸດສາຫະກໍາເຄື່ອງໃຊ້ໄຟຟ້າພາຍໃນບ້ານ ແລະ ເປັນຜູ້ສົ່ງອອກສິນຄ້າເຄື່ອງປັບອາກາດອັນດັບ 1 ຂອງປະເທດຈີນ, ໂດຍມີສໍານັກງານໃຫຍ່ຕັ້ງຢູ່ຕອນໃຕ້ຂອງຈີນປະຈຸບັນມີໂຮງງານຜະລິດສິນຄ້າເຖິງ 21 ແຫ່ງ ແລະມີສູນໂລຈິດຕິກສໍາລັບເກັບ ແລະກະຈາຍສິນຄ້າກວ່າ 260 ແຫ່ງທົ່ວໂລກ ແລະມີພະນັກງານຫຼາຍກວ່າ 1,3 ແສນຄົນຈາກ 200 ປະເທດ.

ກອງປະຊຸມສະພາປະຊາຊົນນະຄອນຫຼວງວຽງຈັນ ປິດລົງດ້ວຍຜົນສຳເລັດ

(ໜັງສືພິມເສດຖະກິດ-ສັງຄົມ)

    ປິດລົງດ້ວຍຜົນສໍາເລັດອັນຈົບງາມກອງປະຊຸມສະໄໝສາມັນເທື່ອທີ VI ສະພາປະຊາຊົນນະຄອນຫຼວງວຽງຈັນຊຸດທີ I ໃນວັນທີ 28 ທັນ ວາ ຜ່ານມາທີ່ນະຄອນຫຼວງວຽງຈັນ ເປັນປະທານຂອງທ່ານ ອານຸພາບ ຕຸນາລົມ ປະທານສະພາປະຊາຊົນນະຄອນຫຼວງວຽງຈັນໃຫ້ກຽດເຂົ້າ ຮ່ວມຂອງທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ພ້ອມດ້ວຍຫົວໜ້າພະແນກການອ້ອມຂ້າງເຈົ້າເມືອງ 9 ຕົວ ເມືອງ ແລະສະມາຊິກສະພາປະຊາຊົນນະຄອນຫຼວງວຽງຈັນເຂົ້າຮ່ວມ.

ລັດຖະບານເລັ່ງໃສ່ຕ້ານການຟອກເງິນ

ຂ່າວ: ຣັດສະໝີ ດວງສັດຈະ

  ຄະນະກຳມະການແຫ່ງຊາດເພື່ອຕ້ານການຟອກເງິນ ແລະການສະໜອງທຶນໃຫ້ແກ່ການກໍ່ການຮ້າຍ (ຄຕຟງ) ໄດ້ຈັດກອງປະຊຸມສະໄໝສາມັນຄັ້ງທີ II ປະຈໍາປີ 2018 ໃນວັນທີ 27 ທັນວາ 2018 ທີ່ທະນາຄານແຫ່ງ ສປປ ລາວ ນະຄອນຫຼວງວຽງຈັນ ໂດຍການໃຫ້ກຽດ ເປັນປະທານຂອງທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະ ຊວງການເງິນ, ປະທານ ຄຕຟງ; ພ້ອມນີ້, ກໍມີທ່ານ ສອນໄຊ ສິດພະໄຊ ຜູ້ວ່າການທະນາຄານແຫ່ງ ສປປ ລາວ ທັງເປັນຮອງປະທານ ຄຕຟງ ແລະມີບັນດາສະມາຊິກ ຄຕຟງ ເຂົ້າຮ່ວມ.

ນັກທຸລະກິດຈີນຄອງອັນດັບ 1 ລົງທຶນຢູ່ລາວ ສ່ວນຕົວເລກການຄ້າບັນລຸ 22,78 ພັນຕື້ກີບ

 (ໜັງສືພິມເສດຖະກິດ-ສັງຄົມ) 

ໃນໄລຍະຜ່ານມານັກທຸລະກິດຈີນໄດ້ເຂົ້າມາລົງທຶນຢູ່ລາວເປັນຈຳນວນຫຼວງຫຼາຍມີຫຼາຍໆໂຄງການພັດທະນາຂະໜາດໃຫຍ່ໆຊຶ່ງສິ່ງດັ່ງກ່າວໄດ້ເຮັດໃຫ້ປະຈຸບັນ ສປ ຈີນ ກາຍເປັນປະເທດອັນດັບ1 ທີ່ມາລົງທຶນຢູ່ ສປປ ລາວ ແລະ ເປັນອັນດັບ 2 ດ້ານການຄ້າໂດຍໃນປີ 2018 ຕົວເລກການຄ້າລາວ-ຈີນ ມີມູນຄ່າເຖິງ 22,78 ພັນຕື້ກີບເພີ່ມຂຶ້ນ 15% ຈາກປີກ່ອນ.

ນາຍົກເນັ້ນນັກກີລາທີມຊາດລາວຕ້ອງສ້າງຜົນງານຍາດເອົາຫຼຽນໄຊຊະນະໃຫ້ດີຂື້ນກວ່າເກົ່າ

(ໂດຍ: ໜັງສືພີມ-ເສດຖະກິດສັງຄົມ) 

ເມື່ອວັນທີ 28 ທັນວາຜ່ານມາທີ່ນະຄອນຫຼວງວຽງຈັນ, ໄດ້ມີພິທີຍ້ອງຍໍ ແລະປະດັບຫຼຽນໄຊໃຫ້ຄະນະນຳ, ຄູຝຶກ, ນັກກີລາທີມຊາດລາວ ແລະບຸກຄົນບໍລິສັດຫ້າງຮ້ານທີ່ໃຫ້ການອຸປະຖຳນັກກີລາເຂົ້າຮ່ວມແຂ່ງຂັນໃນລາຍການຕ່າງໆເປັນກຽດມອບໃບຍ້ອງຍໍ ແລະປະດັບຫຼຽນໄຊ

ບໍ່ແກ້ວຈະລຶບລ້າງຄອບຄົວທຸກຍາກໃຫ້ເຫຼືອ 5 ເປີເຊັນ ດຽວນີ້ມີ 3,5 ພັນຄອບຄົວ

ຂ່າວ: ກິ່ງລັດຕະນະ

     ແຂວງບໍ່ແກ້ວໄດ້ວາງຄາດໝາຍການພັດທະນາຊົນນະບົດ ແລະລຶບລ້າງຄວາມທຸກຍາກ ໃນປີ 2019 ໃຫ້ຫຼຸດລົງຕື່ມຈາກບ້ານທຸກຍາກ 41 ບ້ານຊຶ່ງກວມເອົາ 16,08% ຂອງບ້ານທັງໝົດໃນທົ່ວແຂວງໃຫ້ຍັງເຫຼືອພຽງ 7% ແລະລຶບລ້າງຄອບຄົວທຸກຍາກໃຫ້ຫຼຸດລົງເຫຼືອ 5% ຈາກ ຄອບຄົວທຸກຍາກ 10,61% ຂອງປີ 2018.