ສອງທະນາຄານລາວ-ໄທ ຈັດສຳມະນາການນຳໃຊ້ຄິວອາໂຄຣດ

  ວັນທີ 21 ມິຖຸນາ 2019 ທີ່ສໍານັກງານຄະນະກຳມະການຄຸ້ມຄອງຫຼັກຊັບນະຄອນຫຼວງວຽງຈັນ ໄດ້ມີການຈັດກອງປະຊຸມຫົວຂໍ້ບົດຮຽນການສ້າງມາດຕະ ຖານ QR Code ຂອງປະເທດໄທໂດຍເຂົ້າຮ່ວມມີທ່ານ ນາງ ວັດທະນາ ດາລາລອຍ ຮອງຜູ້ວ່າການທະນາຄານແຫ່ງ ສປປ ລາວ, ທ່ານ ບັນຊາ ມະນຸນ ກຸນໄຊ ຜູ້ອຳ ນວຍການອາວຸໂສກົມຄຸ້ມຄອງລະບົບຊຳລະສະສາງທະນາຄານແຫ່ງປະເທດໄທ ແລະ ພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມ

ກະຊວງການເງິນຮັບຊ່ວຍເຫຼືອວິຊາການ ແລະທຶນຮອນ

  ທະນາຄານໂລກ ແລະອີຢູໄດ້ໃຫ້ການສະໜັບສະໜູນກະຊວງການເງິນທາງດ້ານທຶນຮອນ ແລະເຕັກນິກວິຊາການຜ່ານໂຄງການປະຕິຮູບການຄຸ້ມຄອງການເງິນແຫ່ງລັດ ແລະໂຄງການປັບປຸງລະບົບການຄຸ້ມຄອງການເງິນເປັນທັນສະໄໝເພື່ອປະກອບສ່ວນເຂົ້າໃນການຈັດຕັ້ງປະຕິບັດບັັນດາຄາດໝາຍຂອງວິໄສທັດຮອດປີ 2030 ແລະຍຸດທະສາດພັດທະນາການເງິນແຫ່ງລັດຮອດປີ 2025 ໃຫ້ປາກົດຜົນເປັນຈິງ.

ລັດເນັ້ນ ຄຕຟງ ສຸມໃສ່ 4 ວຽກຕົ້ນຕໍ

   ຄະນະກໍາມະການແຫ່ງຊາດເພື່ອຕ້ານການຟອກເງິນ ແລະສະໜອງທຶນໃຫ້ແກ່ການກໍ່ການຮ້າຍ (ຄຕຟງ) ໄດ້ຈັດກອງປະຊຸມສະໄໝສາມັນຄັ້ງທີ I ປະຈໍາປີ 2019 ເພື່ອປຶກສາຫາລືຫຼາຍບັນຫາທີ່ຕິດພັນກັບວຽກງານຕ້ານການຟອກເງິນ ແລະ ສະໜອງທຶນໃຫ້ແກ່ການກໍ່ການຮ້າຍຂອງ ສປປ ລາວໃນວັນທີ 21 ມິຖຸ ນາ 2019 ທີ່ທະນາຄານແຫ່ງ ສປປ ລາວ 

ຫາດຊາຍຟອງຕິດເຊື້ອໄຂ້ຍຸງ 116 ກໍລະນີ

 ຫ້ອງການສາທາລະນະສຸກເມືອງຫາດຊາຍຟອງ ຈັດກອງປະຊຸມປຶກສາຫາລືກຽມຄວາມພ້ອມວຽກງານປ້ອງກັນ ແລະຄວບຄຸມພະຍາດໄຂ້ຍຸງລາຍເພື່ອຖອດຖອນບົດຮຽນໃນການສົນທະນາຮ່ວມກັນລະຫວ່າງອໍານາດການປົກຄອງ ແລະ ອາສາສະໝັກບ້ານໃນນີ້ໃນໄລຍະ 6 ເດືອນຕົ້ນປີມີຜູ້ຕິດເຊື້ອໄຂ້ຍຸງທັງໝົດມີ 116 ກໍ ລະນີ. 

ບົ້ງສາລີລະບາດແລ້ວ 50 ບ້ານ 8 ເມືອງໄຊຍະ ສ່ວນແຂວງຂາດງົບຊື້ອຸປະກອນ ແລະຢາປາບ

   ແຂວງໄຊຍະບູລີ ຍັງມີຄວາມຕ້ອງການງົບປະມານຈຳນວນຫຼາຍເພື່ອໃຊ້ເຂົ້າໃນການປາບບົ້ງຝູງໃນສວນສາລີ,ທີ່ມີການລະບາດແລ້ວ 8 ເມືອງ 50 ບ້ານ ແລະ 4 ພັນກວ່າເຮັກຕາ,ໂດຍງົບທີ່ຕ້ອງການແມ່ນຈະໃຊ້ເຂົ້າໃນການໂຄສະນາເຜີຍແຜ່ຮ້າຍ,ການຊື້ອຸປະກອນການສິດ ແລະຢາທີ່ຈະໃຊ້ກຳຈັດບົ້ງຝູງດັ່ງກ່າວ.

ສ້າງເງື່ອນໄຂໃຫ້ທຸລະກິດນ້ອຍ-ກາງເຂົ້າເຖິງແຫຼ່ງທຶນ

   ສູນບໍລິການວິສາຫະກິດຂະໜາດນ້ອຍ ແລະກາງຈັດງານພົບປະການລົງທຶນຈຸນລະວິສາຫະກິດ, ວິສາຫະກິດຂະໜາດນ້ອຍ ແລະກາງ, ໂດຍໄດ້ຮັບທຶນຈາກທະ ນາຄານໂລກພາຍໃຕ້ໂຄງການສະໜັບສະໜູນຂອງກະຊວງອຸດສາຫະກໍາ ແລະ ການຄ້າເພື່ອພັດທະນາວິສາຫະກິດຂະໜາດນ້ອຍ ແລະ ກາງ

150 ບໍລິສັດ ຮ່ວມວາງສະແດງສິນຄ້າງານລາວທັອບ 3 ເອັກສະໂປ

   ໃນລະຫວ່າງວັນທີ 20-22 ມິຖຸນາ 2019 ທີ່ນະຄອນຫຼວງວຽງຈັນ ສະພາການຄ້າ ແລະອຸດສາຫະກຳແຫ່ງຊາດລາວ, ສະມາຄົມສະຖາປະນິກ ແລະ ວິສະວະ ກອນກໍ່ສ້າງລາວ ແລະກຸ່ມບໍລິ ສັດເອເອັມບີໄດ້ຈັດງານວາງສະແດງ LAO TOP 3 EXPO 2019 ໂດຍເປັນກຽດການເຂົ້າຮ່ວມຂອງ ທ່ານ ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະຂົນສົ່ງ, ພ້ອມດ້ວຍແຂກຖືກເຊີນເຂົ້າຮ່ວມ.

ລາຍຮັບສະຫວັນປີນີ້ອາດບໍ່ເຖີງແຜນ ຮອງນາຍົກເນັ້ນແຂວງຕ້ອງເຮັດສຸດຂີດໃຫ້ຕົວເລກຕາມເປົ້າໝາຍ

   ນັບວ່າເປັນສິ່ງທ້າທາຍສົມຄວນໃຫ້ກັບແຂວງສະຫວັນນະເຂດໃນການຈັດຕັ້ງປະຕິບັດການເກັບລາຍຮັບເຂົ້າງົບປະມານເວລາຜ່ານໄປແລ້ວ 5 ເດືອນເກັບໄດ້ພຽງ 34,63% ຂອງແຜນການປີດ້ານການເງິນແຂວງຢືນຢັນໝົດປີນີ້ການເກັບລາຍຮັບຂອງແຂວງອາດບໍ່ເຖິງແຜນການປີຍ້ອນມີຫຼາຍສາເຫດຫຼັກເປັນຕົ້ນລາຍຮັບບາງຂະແໜງການຫຼຸດລົງຂະນະທີ່ທ່ານຮອງນາຍົກເນັ້ນຕ້ອງຈັດຕັ້ງການປະຕິບັດການເກັບລາຍຮັບເຮັດ ໃຫ້ສຸດຂີດເພື່ອບັນລຸຕາມແຜນການ.

ເລັ່ງສຳຫຼວດພູເບ້ຍພູສູງທີ່ສຸດໃນລາວເພື່ອພັດທະນາໃຫ້ກາຍເປັນແຫຼ່ງທ່ອງທ່ຽວລະດັບຊາດ

  ແຂວງໄຊສົມບູນ ແລະກຸ່ມບໍລິສັດຄຳໄພຊະນະ ຈຳກັດຜູ້ດຽວ ກຳລັງເລັ່ງສຶກສາສຳຫຼວດຄວາມເປັນໄປໄດ້ພູເບ້ຍພູທີ່ສຸດໃນລາວເພື່ອເກັບກຳຂໍ້ມູນລະອຽດກ່ອນຂຶ້ນແຜນແມ່ບົດສະເໜີຂໍອະນຸມັດຈາກລັດໃຫ້ສຳເລັດພາຍໃນເດືອນສິງຫາ 2019 ນີ້ກ່ອນຈະກັບໄປສູ່ການພັດທະນາໃຫ້ກາຍເປັນພູເງິນພູຄຳພູແຫຼ່ງທ່ອງທ່ຽວລະດັບຊາດໃນຮູບແບບອະນຸລັກໂດຍປະຊາຊົນມີສ່ວນຮ່ວມໃນການພັດທະນາ ແລະປະກອບອາຊີບ.

ຫຼວງນ້ຳທາທຳລາຍຊີ້ນໝູແຊ່ແຂງນຳເຂົ້າຈາກຈີນ ໜັກ 2 ໂຕນ

  ວັນທີ 17 ມິຖຸນາ 2019 ພະແນກກະສິກໍາ ແລະ ປ່າໄມ້ແຂວງຫຼວງນໍ້າທາຮ່ວມກັບເຈົ້າໜ້າທີ່ປະຈໍາດ່ານສາກົນບໍ່ເຕັ່ນ ແລະພາກສ່ວນທີ່ກ່ຽວຂ້ອງໄດ້ຈັດ ພິທີທໍາລາຍຊີ້ນໝູແຊ່ແຂງທີ່ນໍາເຂົ້າຈາກ ສປ ຈີນ ຈໍານວນ 2 ໂຕນ ລວມເປັນມູນຄ່າ 80 ລ້ານກີບ ທີ່ເຂດເສດຖະກິດບໍ່ເຕ່ນແດນງາມໂດຍມີ ທ່ານ ຄໍາແພງ ພານາວັນ ຫົວໜ້າຂະແໜງລ້ຽງສັດ ແລະ ການປະມົງພະແນກກະສິກໍາ ແລະປ່າໄມ້